ಕಾವ್ಯ ಸಂಗಾತಿ
ರತ್ನರಾಯಮಲ್ಲ
“ಬೆಹರ್ ಆಧಾರಿತ ಗಜಲ್”
ಹಗಲಿರುಳು ನೆನಪಿನ ದೋಣಿಯಲಿ ಚಲಿಸುತಿರುವೆ
ಅನುದಿನವು ಒಲವಿನ ಲೋಕದಲಿ ಚಲಿಸುತಿರುವೆ
ಉರುಳುತಿವೆ ದಿನಗಳು ಆಗದವು ತಡೆಹಿಡಿಯಲು
ಅನುಪಮದ ಅಮಲಿನ ಕಾಡಿನಲಿ ಚಲಿಸುತಿರುವೆ
ಸುಮದೊಡಲು ಅರಳಿದೆ ನೆಮ್ಮದಿಯ ಕಲರವವದು
ಅರಮನೆಯ ಅರಿಷಿಣ ಹಂಚುವಲಿ ಚಲಿಸುತಿರುವೆ
ಹಣೆಬರಹ ನೆನೆದರೆ ಸಂತಸವು ತೊರೆಯದಿರದು
ಜಗದಗಲ ನಲಿವನು ಸಾರುತಲಿ ಚಲಿಸುತಿರುವೆ
ಬಯಸಿದೊಡೆ ಬರುವುದು ಮಲ್ಲಿಗೆಯ ಪರಿಮಳವದು
ಮನದೊಡತಿ ಪಿರುತಿಯ ತೊಟ್ಟಿಲಲಿ ಚಲಿಸುತಿರುವೆ
ರತ್ನರಾಯಮಲ್ಲ
About The Author
ತುಂಬಾ ಚೆನ್ನಾಗಿ ಮೂಡಿ ಬಂದಿದೆ
ಅಭಿನಂದನೆಗಳು