ಸಮಯದ ಮಿತಿ ಇದೆ - ಸಾರ್ಥಕ ಬದುಕಿಗೆ ಸಾಹಿತ್ಯ ಸಂಗಾತಿ

ಕಾವ್ಯ ಸಂಗಾತಿ

ಸಮಯದ ಮಿತಿ ಇದೆ

ಕಾಯುತ್ತಿದ್ದೇನೆ
ನೀ ಬಂದೆ ಬರುವೆಯೆಂದು
ನೀನೇನು ಹೇಳಲಿಲ್ಲ
ನಾನೇ ನಂಬಿದ್ದೇನೆ

ನಿನ್ನ ಬರುವು, ಇರುವು
ನನಗೆ ಉಸಿರು
ಬಾರದಿದ್ದರೂ ನೀ
ನನ್ನೆದೆಯೊಳಗೆ ಸದಾ ಹಸಿರು

ಪ್ರೀತಿ ಹುಟ್ಟಲು
ಕಾರಣರು ಯಾರು
ನಾನೋ-ನೀನೋ ಅದೊಂದು
ಅರಿಯಲಾಗದ ಬಸಿರು

ನಕ್ಷತ್ರಗಳಿಗೇನು ಗೊತ್ತು
ಪ್ರೀತಿಯ ಅರ್ಥ
ಅವು ಚೆಲ್ಲುವ ನಗು ಕೂಡಾ
ಬೆಳಕಿಗೆ ವ್ಯರ್ಥ

ಕಾಯುವುದಕ್ಕೂ,
ಕನಸು ಕಾಣುವುದಕ್ಕೂ,
ಸಮಯದ ಮಿತಿ ಇದೆ
ಸರಿ ಹೊತ್ತಿಗೆ ಸೇರಿಕೋ
ಕಾಯುತ್ತಿದ್ದೇನೆ….

ಒಲವು