ಕಾವ್ಯ ಸಂಗಾತಿ
ಏನಿದು ಆವಾಂತರ
ಮೋಸ ಸುಲಿಗೆ ದುರ್ಜರ
ಕೋಪ ಆಕ್ರೋಶದ ಆಗರ
ಸೇಡು ಕಟುಕತನ ಭೀಕರ
ದುಃಖ ದುಗುಡ ತರತರ
ಅವಮಾನ ಅಪಚಾರದ ಹಾಹಾಕಾರ
ನೋವು ನಷ್ಟ ರಣಭಯಂಕರ
ಎಲ್ಲೆಂದರಲ್ಲಿ ಅನ್ಯಾಯ ಅತ್ಯಾಚಾರ
ನರಳಾಟ ಕಿರುಚಾಟ ಮುಗಿಲೆತ್ತರ
ಕಾರಣ ಮಾತ್ರ ಅಗೋಚರ
ವಿಧಿಯೇ ನಿನ್ನ ಲೀಲೆಗೆ ಜಗವೆ ತತ್ತರ
ನಿನ್ನ ಆಟಕ್ಕೆ ಜೀವನ ಅಸ್ಥಿರ
ಯಾರ ಹಮ್ಮಿನ ಲೆಕ್ಕವೂ ಇಲ್ಲಿ ಅತಂತ್ರ
ನಿನ್ನಾಟದೊಳಗೆ ಎಲ್ಲವೂ ತ್ರಣ ಮಾತ್ರ
ತಪ್ಪು ಮಾಡಿದರೆ ನಿನ್ನ ಪ್ರಹಾರ
ಸಹಿಸಲು ಬೇಕು ಧೈರ್ಯ ಅಪಾರ
ಮನುಷ್ಯ ಪ್ರಕೃತಿಯ ಕುಮಾರ
ತಲೆಮೇಲೆ ಕರ್ಮದ ಋಣ ಭಾರ
ಹೆಣಗದಿರು ಸ್ಥಾಪಿಸಲು ನಿನ್ನ ಸರ್ವಾಧಿಕಾರ
ಸಮಯಕ್ಕಿದೆ ಎಲ್ಲವ ಬದಲಿಸುವ ಪರಮಾಧಿಕಾರ
ದುಡುಕಿ ಬದುಕ ಕಳೆಯದಿರು ಬರ್ಬರ
ಪ್ರೀತಿ ಸಹನೆಯ ತೋರು ನಿತ್ಯ ನಿರಂತರ
ಶಾಲಿನಿ ಕೆಮ್ಮಣ್ಣು
About The Author
