ಕಾವ್ಯ ಸಂಗಾತಿ ವಾಣಿಶ್ರೀ ಎ ಹುಬ್ಬಳ್ಳಿ “ನೊಂದವಳು” ಏನೋ ಸಾಧಿಸಬೇಕೆಂಬಹಠ ಹಂಬಲ ಚಪಲ,ಬಿಡುತ್ತಿಲ್ಲ ಈ ಜಗವೆಂಬ ವಿಷವರ್ತುಲ;ಪ್ರಯತ್ನಗಳಲ್ಲಾಗುತ್ತಿವೆ ವಿಫಲ,ಹೋಗಲಿ ಬಿಡು—ಏನು ಸಾಧಿಸಿ, ಏನು ಫಲ?ಈ ಮಾನವ ಜನ್ಮ ಬಹುದೊಡ್ಡದು, ಜೀವನ ಬಹು ಚಿಕ್ಕದು; ಕ್ರೂರ ಪ್ರಾಣಿಗಳಂತೆ ವರ್ತಿಸಲು ಬಾರದು,ಮಾನವೀಯತೆಯನ್ನು ಕಳೆದುಕೊಳ್ಳಲು ಆಗದು.ಏನೇನೋ ಮಾಡಬೇಕೆಂದು ಹೊರಟರೆ,“ಬೇಡ, ಬಾ ಹಿಂದಕ್ಕೆ” ಎಂಬ ಕರೆ;ಈ ಕರೆಯಿರುವುದು ತೆರೆಯ ಮರೆಹಾಕಿಹುದು ಮನಸ್ಸಿನ ಮೇಲೆ ಬರೆ. ಮೌನದಲಿ ಮರುಗುತ್ತಿರುವೆನೊಂದವಳು ನಾನು ವಾಣಿಶ್ರೀ ಎ ಹುಬ್ಬಳ್ಳಿ

ಕಾವ್ಯ ಸಂಗಾತಿ ಸುಮತಿ ನಿರಂಜನ “ಚರಿತ್ರೆಯ ಕಸದ ಬುಟ್ಟಿ” ಯಾವುದು ಸತ್ಯಯಾವುದು ಮಿಥ್ಯಯಾರು ಮಹಾತ್ಮರುಯಾರು ಪಾಪಾತ್ಮರು ?ಕಸದ ಬುಟ್ಟಿ ಕೆದಕಿದಾಗಸಿಕ್ಕ ಚೂರು ಚೂರುಒಟ್ಟು ಮಾಡಿಭೂತಗನ್ನಡಿ ಹಿಡಿದುನೋಡಿದಾಗ…ರಕ್ತಸಿಕ್ತದೇಹದ ತಲೆತೂಗಾಡುತ್ತಿದೆ ಮೇಲೆಅದು ಯಾರದೂ ಅಲ್ಲ –ಮುಂದೆ ಯಾರೋನಿರ್ಧರಿಸುವ‌ ತನಕ…ಇದ್ದದ್ದೇ ಕಚ್ಚಾಟಕೊಲೆ ಸುಲಿಗೆ ಹಿಂಸಾಚಾರ ತುಂಡು ಬಿಳಿ ಖಾದಿಯತುಂಬ ಕಲೆ ತೊಳೆಯಲುಹರಿವ ನೆತ್ತರ ಹೊಳೆ.. ಸು,ಮತಿ ನಿರಂಜನ

ಕಾವ್ಯ ಸಂಗಾತಿ ಟಿ. ದಾದಾಪೀರ್ ತರೀಕೆರೆ “ನಾನು ಸಂಭ್ರಮಿಸುತ್ತೇನೆ” ಬರಗಾಲದ  ತತ್ತರಕ್ಕೆಹಸಿರು ಒಣಗಿ ಬಣ್ಣ ಕಳೆದುಕೊಳ್ಳುವ ಟೈಮಿನಲ್ಲಿನಿನ್ನ ಸೀರೆಯೊಳಗೆ ಬೆರೆತ ನಿನ್ನ ನಗುವಿನ ಬಣ್ಣಒಂದಷ್ಟು ನೆಮ್ಮದಿ, ಭರವಸೆ ಮೂಡಿಸುವಂತಿದ್ದರೆನಾನು ಸಂಭ್ರಮಿಸುತ್ತೇನೆ ಮಳೆ ಹೋಯ್ತು ಅನ್ನೊ ನೋವು ಆಕಾಶಕ್ಕೆ ಮುಖ ಮಾಡಿರುವಾಗದುತ್ತನೆ ಎದುರಾಗುವ ನಿನ್ನಕಂಡ ಕೂಡಲೆ ಮನಸು ತೇವ ಆಗುವುದಾದರೆನಾನು ಸಂಭ್ರಮಿಸುತ್ತೇನೆ ಕವಿತೆ ಯಾಗುವ ಜುಮುಕಿಗಳ ಝಲಕ್,ಬಳೆಗಳ ಮಧುರ ರಾಗಮಿಸುಕಾಡದ ನೆರಿಗೆಗಳ ಮೌನ ಸಲ್ಲಾಪಗಾಳಿ ಬೀಸುವ ಸೆರಗುಮೋಡಗಳ ಸೀಳಿ ಬರುವ ನಿನ್ನ ಉತ್ಸಾಹ ಕಂಡುಕ್ಯಾಲೆಂಡರ್ ನಲ್ಲಿ ಮಳೆ ನಕ್ಷತ್ರಗಳು ಕಾಣುವುದಾದರೆನಾನು ಸಂಭ್ರಮಿಸುತ್ತೇನೆ ಕಡುಗಪ್ಪು ಹೆರಳುಬೆಳ್ಳಿ ಮಿಂಚೊಂದು ಮೂಡುವಂತ ಮಲ್ಲಿಗೆ ಹೂ ಸರಕತ್ತರಿಗೆ ಸಿಕ್ಕಿ ಹೋಳಾದನಿನ್ನ ಹುಬ್ಬುಗಳುಕಾಮನ ಬಿಲ್ಲಿನ ಆಸೆಬಿತ್ತುವುದಾದರೆಬರಡು ನೆಲದ ಮೇಲೆ ನಿಂತು ನಿನ್ನ ಸಂಭ್ರಮಿಸುತ್ತೇನೆ ಟಿ. ದಾದಾಪೀರ್ ತರೀಕೆರೆ

ಕಾವ್ಯ ಸಂಗಾತಿ ಸತೀಶ್ ಬಿಳಿಯೂರು “ಮುದಿ ಜೀವಗಳ ಯಾತನೆ” ಅರಕಲು ಮುರುಕಲು ಗುಡಿಸಲೊಳಗೆಸಣ್ಣ ಇಣುಕೋ ಹಣತೆ ಬೆಳಕುನಾಲ್ಕು ಗೋಡೆಯ ಮಧ್ಯೆಯಲಿಹಿರಿದಾದ ಜೀವಗಳೆರಡರ ಬದುಕು ಜನ್ಮ ಕೊಟ್ಟು ಹೊತ್ತು ಮುದ್ದಾಡಿಕಷ್ಟಪಟ್ಟು ದುಡಿಮೆ ಮಾಡಿಸಾಕಿದ ಮಕ್ಕಳು ದೂರ ಪಟ್ಟಣ ಸೇರಿದರುಹುಟ್ಟಿದ ಮನೆಗೆ ಸುಳಿಯದಾದರು ದೊಡ್ಡ ದೊಡ್ಡ ಮನೆ ಮಠ ಕಟ್ಟಿದರುಸಾಕಿದವರನ್ನು ಮೂಲೆಗಟ್ಟಿದರುಸುಖದ ಸುಪ್ಪತ್ತಿಗೆಯನ್ನು ಹುಡುಕಿದರುಈ ಜೀವಗಳನ್ನು ನಿತ್ಯ ಕೊರಗಿಸಿದರು ಹೇ ಮನುಜ ಸಾಕಿದವರಿಗೆ ಬೆಲೆ ಕೊಡದೆನೀ ಸಂತಸಪಟ್ಟರೆ ಇಂದು ಅವರು ಅಂದು  ನೀ ಹುಟ್ಟಿದಾಗ  ಸಂಭ್ರಮಕ್ಕೆ ಅರ್ಥವೆಲ್ಲಿದೆಅವರ ಜೊತೆ ಸಂಭ್ರಮಿಸು ಜೀವನ ಪಾವನ ಅವರ ಕೊನೆಯ ದಿನದವರೆಗೆಆರೋಗ್ಯ ವಿಚಾರಿಸಿ ಸುಖ ಸಂತಸ ಹಂಚಿದರೆಪ್ರೀತಿ ಮಮತೆ ಈ ಜೀವಕ್ಕೆ ತುಂಬಿದರೆಅವರ ಬಾಳು ನಿಮ್ಮ ಬಾಳು ಸಾರ್ಥಕ ಸತೀಶ್ ಬಿಳಿಯೂರು

ಕಾವ್ಯ ಸಂಗಾತಿ ಸರಸ್ವತಿ ಕೆ ನಾಗರಾಜ್ “ಬುದ್ದಿಗಿಂತ ನಿಷ್ಠೆ” ನಾಯಿಗಿಂತ ನರಿ ಬಹಳ ಬುದ್ಧಿವಂತ ಪ್ರಾಣಿ,ಆದರೂ ಜನ ನರಿ ಸಾಕುವುದಿಲ್ಲ,ನಾಯಿಯನ್ನೇ ಸಾಕುತ್ತಾರೆ;ಯಾಕೆ ಗೊತ್ತಾ?ಬುದ್ಧಿವಂತಿಕೆಗಿಂತ ಪ್ರಾಮಾಣಿಕತೆ ಮುಖ್ಯ,ಚಾಣಾಕ್ಷತನಕ್ಕಿಂತ ನಿಷ್ಠೆಯೇ ಶ್ರೇಷ್ಠ. ಜಾಣ್ಮೆಯಿಂದ ಬದುಕು ಗೆಲ್ಲಬಹುದು,ಆದರೆ ನಂಬಿಕೆಯಿಂದ ಹೃದಯವನ್ನೆ ಗೆಲ್ಲಬಹುದು,ಮಾತಿನಿಂದ ಮನವೊಲಿಸಬಹುದು,ಆದರೆ ನಡೆನುಡಿಯಿಂದ ನಂಬಿಕೆಯನ್ನೇ ಗಳಿಸಬಹುದು.ಎಷ್ಟೇ ಬುದ್ಧಿ ಇದ್ದರೂ ನಂಬಿಕೆ ಇಲ್ಲದಿದ್ದರೆ ವ್ಯರ್ಥ,ಎಷ್ಟೇ ಸರಳವಾಗಿದ್ದರೂ ನಿಷ್ಠೆ ಇದ್ದರೆ ಅರ್ಥ, ಜಗತ್ತು ಕೊನೆಗೆ ನೆನಪಿಡುವುದುಜಾಣತನ ತೋರಿದವನನ್ನಲ್ಲ,ಕಷ್ಟಕಾಲದಲ್ಲೂ ಕೈಬಿಡದೆಜೊತೆಯಾಗಿ ನಿಂತ ನಿಷ್ಠಾವಂತನನ್ನು.ಜಾಣ್ಮೆ ಬದುಕಿಗೆ ಅಲಂಕಾರ,ನಿಷ್ಠೆ ಬದುಕಿಗೆ ಆಧಾರ, ಬುದ್ಧಿ ಮನುಷ್ಯನನ್ನು ಎತ್ತರಿಸಬಹುದು,ಆದರೆ ಪ್ರಾಮಾಣಿಕತೆಯೇ ಅವನ ವ್ಯಕ್ತಿತ್ವವನ್ನು ಶ್ರೇಷ್ಠಗೊಳಿಸುತ್ತದೆ. ಸರಸ್ವತಿ ಕೆ ನಾಗರಾಜ್

ಕಾವ್ಯ ಸಂಗಾತಿ ಮಾಜಾನ್ ಮಸ್ಕಿ‌ “ಮರೆಯಾಗದಿರು ಗಾಂಧಿ” ಪ್ರತಿ ಆತ್ಮಗಳ ಮಹಾತ್ಮನೊಂದವರ ಅಭಯ ಹಸ್ತದೇವನಾಗಿ ಕರಗದಿರುಕರುಣೆಯ ತತ್ವಮೂರ್ತಿ ನೀನು ಗೂಡ್ಸೆಗಳಿಗೇನು ಕಮ್ಮಿ ಇಲ್ಲದ್ವೇಷಿಸುವರು ದ್ವೇಷಿಸಲಿಟೀಕಿಸುವರು ಟೀಕಿಸಲಿಅಹಿಂಸೆಯ ಅಸ್ತ್ರ ಹಿಡಿದು ಮತ್ತೆ ಬಾ ಹಿಂಸೆ ಅತ್ಯಾಚಾರ ಯೋಧರ ಜೀವಂತ ದಹನಮುಗಿಲು ಮುಟ್ಟಿದೆ ಆಕ್ರಂಧನ ಎಲ್ಲೆಡೆ ಚಿತ್ಕಾರಸಿಡಿಲು ಮಿಂಚಾಗಿ ಸಂಚರಿಸುನಮ್ಮಯ ಧಮನಿ ಧಮನಿಗಳಲ್ಲಿ ನೋವನುಂಡು ತಲ್ಲಣಿಸಿವೆ ಮನಗಳುಹಗಲಿನಲ್ಲಿಯೇ  ನಡೆದಾಡಲು ಕಂಪಿಸಿವೆನಿನ್ನ ಕೋಲಿನ ಗಸ್ತು ಬೇಕಿದೆ ಬಂದೊಮ್ಮೆ ನೋಡು ಇಂದಿನ ಭಾರತಮನೆ ಮನೆಗಳಲ್ಲಿ ನೆಲೆಸಿಶಾಂತಿಯ ಹರಸು ಗಾಂಧಿ……ಬಾ ಮತ್ತೊಮ್ಮೆ ಗಾಂಧಿ…..ಬಾ ಮತ್ತೊಮ್ಮೆ ಗಾಂಧಿ….. ಮಾಜಾನ್ ಮಸ್ಕಿ

ಕಾವ್ಯ ಸಂಗಾತಿ ಟಿ.ಪಿ.ಉಮೇಶ “ಗಾಂಧೀಜಿ ನಿನ್ನೆಗೆ ಮುಗಿದ ಕಥೆಯಲ್ಲ!” ಕೈಯಲ್ಲಿ ಆಯುಧ ಹಿಡಿಯದೆಸಾಮ್ರಾಜ್ಯವನ್ನೇ ನಡುಗಿಸಿದಅಹಿಂಸೆಯ ಮಹಾಶಕ್ತಿವಂತ! ಕೈಯಲ್ಲಿ ಯಾವ ಅಧಿಕಾರವಿರದೆಕೋಟ್ಯಾಂತರ ಹೃದಯಗಳ ಗೆದ್ದಜನಮನದ ಮಹಾನಾಯಕ! ಮಾತಿನಲ್ಲಷ್ಟೇ ಸತ್ಯವನ್ನಾಡದೆಬದುಕಿನಲ್ಲೇ ಸತ್ಯವನ್ನು ತೋರಿದಲೋಕದ ಸತ್ಯಸಾಧಕ! ಶತ್ರುವನ್ನೆಂದಿಗು ದ್ವೇಷಿಸದೆಅನ್ಯಾಯವನ್ನೆಲ್ಲ ಎದುರಿಸಿದವಿಶ್ವದ ಧೈರ್ಯಶಾಲಿ! ಆಡಂಬರದ ಬಟ್ಟೆಗಳ ಬಿಟ್ಟುಬಡವರ ನೋವನ್ನೆಲ್ಲ ಹೊದ್ದಜನಜಗತ್ತಿನ ಸರಳಜೀವಿ! ತನ್ನ ಹಸಿವು ನೋವುಗಳಿಗಿಂತಪರರ ಹಸಿವು ನೀಗಿಸಲು ದುಡಿದಮಹಾನ್ ಕರುಣಾಮೂರ್ತಿ! ಜಾತಿ ಧರ್ಮಗಳ ಹೆಸರಿನಲ್ಲಿಗೋಡೆ ಕಟ್ಟದೆ ಸೇತುವೆ ಕಟ್ಟಿದಧೀಮಂತ ಸಮನ್ವಯವಾದಿ! ತನ್ನ ಹೆಜ್ಜೆ ಗುರುತುಗಳಿಗಿಂತದೇಶದ ಹೆಜ್ಜೆ ಗುರುತು ಉಳಿಸಿದಯುಗಮಾನದ ದೇಶಸೇವಕ! ಸೆರೆಮನೆಯಲ್ಲಿನ ಕತ್ತಲೆಯಲ್ಲುಸ್ವಾತಂತ್ರ್ಯದ ಬೆಳಕನ್ನು ಕಂಡಛಲಬಿಡದ ಕನಸುಗಾರ! ಗುಂಡಿಗೆ ಎದೆಯೊಡ್ಡಿದರೂದ್ವೇಷಕ್ಕೆಂದೂ ಮನಸ್ಸು ಕೊಡದದೈವಸದೃಶ ಕ್ಷಮಾಶೀಲ! ಮಹಾತ್ಮ ಗಾಂಧೀಜಿ ಎಂದರೆಒಂದು ಹೆಸರು ಮಾತ್ರವಲ್ಲನಡೆಯಬಹುದಾದ ತತ್ವ ಸಿದ್ಧಾಂತ! ಮಹಾತ್ಮ ಗಾಂಧೀಜಿ ಎಂದರೆಒಬ್ಬ ಮನುಷ್ಯ ಮಾತ್ರವಲ್ಲಬದುಕಬಹುದಾದ ಒಂದು ಆದರ್ಶ! ಮಹಾತ್ಮ ಗಾಂಧೀಜಿ ಎಂದರೆನಿನ್ನೆಗೆ ಮುಗಿದ ಕಥೆಯಲ್ಲನಾಳೆಗೂ ಬೇಕಾದ ಮಾನವೀಯತೆ! ಟಿ.ಪಿ. ಉಮೇಶ್

ಕಾವ್ಯ ಸಂಗಾತಿ ವನಜಾಕ್ಷಿ ಬೆಟ್ಟದಾಲೂರು ಅವರ ಕವಿತೆ “ಸ್ನೇಹ” ಸ್ನೇಹ ಜೊತೆಯ ಹೆಜ್ಜೆಯಷ್ಟೇಯಲ್ಲ,ಜೊತೆಯಿಲ್ಲದ ಕ್ಷಣದಲೂ ಜೊತೆಗಿರುವ ಭಾವ;ಮೌನದ ತುಟಿಯಂಚಲಿ ಮಾತು ಅರಳಿಮನದ ಮಿಡಿತವನು ಓದುವ ಜೀವ. ಇದು ಕೈಹಿಡಿದ ನೆರಳಷ್ಟೇ ಅಲ್ಲಾ,ಕತ್ತಲ ಹಾದಿಯ ಹಣತೆಯ ಬೆಳಕು;ಬಿದ್ದ ಮೇಲೆ ಎತ್ತುವ ಕೈಯೆತ್ತದದುಜಾರುವ ಮುನ್ನವೇ ಚಾಚುವ ಅಭಯ ಹಸ್ತ. ಕಾಲದೊಳಗೆ ಬತ್ತಿದ ಹೊಳೆಯ ದಡದಂತೆ,ಮನದ ನದಿಯ ಒರತೆ ಬತ್ತದಿರೆ ನೈಜದಿಕ್ಕುಗಳೇ ಹೊರಳಿ ಸರಿದರೂ ದೂರಸದಾ ಜೀವಂತ ನೆನಪಿನ ರಹದಾರಿ ನಗುವಿನ ಹೊತ್ತಿಗೆ ನೆರಳುಗಳು ನೂರು,ಕಣ್ಣೀರ ಹೊತ್ತಿಗೆ ಕರೆವ ಎದೆಯದನಿಜಗವೇ ಬೆನ್ನು ತಿರುಗಿದ ಹೊತ್ತಲೂ“ನಾನಿದ್ದೇನೆ ಎನುವೊಂದು ಅಭಯ. ಇದು ಬಂಧನವಿಲ್ಲ, ಬೆಸೆಯುವ ನಂಟು,ಸ್ವಾರ್ಥದ ನೆರಳಿಲ್ಲ, ಹೃದಯದ ಹಂಚಿಕೆ;ಪಡೆದಷ್ಟಕ್ಕಿಂತ ಕೊಟ್ಟಾಗಲೇ ಪಾವನ—ಜೀವದ ದಾರಿಯಲಿ ಅದೊಂದು ಬೆಳಕು. ಜೀವಪರರಲಿನ ಜೀವ ಸೆಳೆತವೂಮಹಾಮೌಲ್ಯದ ಮಾಣಿಕ್ಯವೂ ಸ್ನೇಹನಿಂತರೂ ಉಸಿರು ನೆನಪಾಗಿ ಮಿಡಿಯುವ,ಜೀವದ ಪುಟದಲಿ ಅಳಿಯದ ಅಕ್ಷರ ಸ್ಹ – ವನಜಾಕ್ಷಿ ಬೆಟ್ಟದಾಲೂರು

ಕಾವ್ಯ ಸಂಗಾತಿ ಅನನ್ಯ ಎಚ್ ಸುಬ್ರಹ್ಮಣ್ಯ “ಕಾಣದ ನೆರಳು” ಕಣ್ಣಿಗೆ ಕಾಣದ ಸತ್ಯದ ಹಿಂದೆ,ಬೆನ್ನೇರಿ ಬರುವ ಅಗೋಚರ ಚಂದ;ರೂಪವಿಲ್ಲದ ರೂಪಿಗೆ ನಾವಿಲ್ಲಿ ಮಣಿದಿದ್ದೇವೆ,ಇಲ್ಲದ ಅಸ್ತಿತ್ವವ ಜೀವದೊಳಗೆ ತಂದಿದ್ದೇವೆ. ಮುಟ್ಟಲಾಗದ ಆಕಾಶವ ಸ್ಪರ್ಶಿಸಲು ಕೈಚಾಚಿ,ಕತ್ತಲೆಯಲಿ ಕಣ್ಣುಗಳನ್ನು ಬಿಟ್ಟು ಪರಿತಪಿಸಿ;ನಂಬಿಕೆಯೆಂಬ ಕಗ್ಗತ್ತಲ ದಾರಿಯಲಿ ಸಾಗುತ,ಕಾಣದ ದೇವರ ನೆರಳನೆ ಮೈತುಂಬಾ ಹೊತ್ತು ಗಾಳಿಯಂತೆ ಆತ, ಇರುವುದೆಲ್ಲದರಲಿ ವ್ಯಾಪಿಸಿ,ಆದರೆ ಯಾರ ಕಣ್ಣಿಗೂ ಎಂದೂ ಕಾಣದೆ ಮುಚ್ಚಿ;ಸುಂಟರಗಾಳಿಯಲಿ ಸಿಲುಕಿದ ಒಂಟಿ ಮರ ದೇವನೆ?ಅಥವಾ ನಮ್ಮೊಳಗಿನ ಅಂಜಿಕೆಯೆ ಆತನ ನಾಮವೆ? ಸಂಕಟದ ಕಡಲು ಉಕ್ಕಿ ಬಂದಾಗ ಈ ಬದುಕಿನಲಿ,ಯಾರೂ ಇಲ್ಲದ ಏಕಾಂತದ ಆ ಕತ್ತಲು ಗೂಡಿನಲಿ;ಮನಸ್ಸು  ಕೈಮುಗಿದು ಬೇಡುವುದು ಯಾರಿಗೆ?ಕಾಣದೆಯೇ ಆ  ಸ್ಪರ್ಶವಿರುವುದೇಕೆ ಒಳಗೆ? ಕಣ್ಣಿಗೆ ಕಾಣದ್ದೇ ಇಲ್ಲಿ ದೊಡ್ಡ ಸತ್ಯವಾಗಿಹುದು,ಉಸಿರು ಕಣ್ಣಿಗೆ ಕಾಣದು, ಆದರೂ ಜೀವವಿಹುದು; ದೇವರು; ಕಾಣದಿದ್ದರೇನು, ನಂಬಿಕೆಯ ಕಣ್ಣಲಿ,ಅವನಿಲ್ಲದ ಕ್ಷಣವಿಲ್ಲ ಈ ಜಗತ್ತಿನ ಹಾದಿಯಲಿ. ಕಾಣದ ದೇವರ ನೆರಳೂ ಇಲ್ಲದ ಕತ್ತಲೆಯ ಕಡಲಲಿ,ಬೆಳಕಿಗಾಗಿ ಹಂಬಲಿಸಿ ಕರಗಿತು ಮನುಜನ ನೆರಳು;ಕೊನೆಗೆ ಉಳಿದದ್ದು ದೇವರು ನಂಬಿಕೆಯೂ ಅಲ್ಲಬ್ರಹ್ಮಾಂಡದ ಅಂತಿಮ ಶೂನ್ಯದೊಂದಿಗೆ ನಮ್ಮದೇ ಕರಗಿಹೋದ ಪ್ರಜ್ಞೆ ಮಾತ್ರ ಉಳಿಯಿತು. ಅನನ್ಯ ಎಚ್ ಸುಬ್ರಹ್ಮಣ್ಯ

ಕಾವ್ಯ ಸಂಗಾತಿ ಡಾ ಶಶಿಕಾಂತ ಪಟ್ಟಣ ರಾಮದುರ್ಗ “ಸ್ವರಚಿತ ವಚನಗಳು”             1ಇದ್ದಾಗ ಮೆರಿಬ್ಯಾಡಬಿದ್ದಾಗ ಅಳಬ್ಯಾಡಸದ್ದು ಗದ್ದಲದೊಳಗಇರಬ್ಯಾಡ ಮರುಳೆಬುದ್ಧ ಬಸವರ ನೆನೆ ನೀನುಗೆದ್ದಲಕೆ ಮುದ್ದಿಯಾಗ ಬ್ಯಾಡಎದ್ದು ಹೋಗಾಗಶರಣರ ಸಂಗದಲ್ಲಿರು ಎಂದಬಸವ ಪ್ರಿಯ ಶಶಿಕಾಂತ                2ಹಾಸಿ ದುಡಿಯಲು ಬೇಕುಹಂಚಿ ತಿನ್ನಲು ಬೇಕುಬಡವ ಬಲ್ಲಿದರಿಗೆ ನೀನುಬೆಲ್ಲವಾಗಲು ಬೇಕುಇದ್ದಾಗ ಕರೆದು ದಾಸೋಹ ಮಾಡಿಅಪ್ಪ ಬಸವನ ನಿತ್ಯನೆನೆಯ ಬೇಕೆಂದ ನಮ್ಮಬಸವ ಪ್ರಿಯ ಶಶಿಕಾಂತ               3ಬಸವ ಬಸವಾ ಎಂದೆನ್ನುತ್ತಾದೊಡ್ಡವರಾದರಯ್ಯ ಸ್ವಾಮಿಗಳುಬಸವ ಬಸವಾ ಎಂದೆನ್ನುತ್ತಾಅಧಿಕಾರ ಹಿಡಿದು ಕೊಂಡರಯ್ಯ ರಾಜಕಾರಣಿಗಳುಬಸವ ಬಸವಾ ಎಂದೆನ್ನುತ್ತಾಪ್ರಶಸ್ತಿ ಪಡೆದರಯ್ಯಾ ಸಾಹಿತಿ ಸಂಶೋಧಕರು.ಬಸವ ಬಸವಾ ಎಂದೆನ್ನುತ್ತಾಬಸವಣ್ಣನವರನ್ನು ಸಾಂಸ್ಕೃತಿಕ ನಾಯಕಎಂದು ಘೋಷಿಸಿದರಯ್ಯ ಮಂತ್ರಿಗಳುಬಸವನ ನಾಡಿನಲ್ಲಿ ಬಸವ ಧರ್ಮಕ್ಕೆ ಅಸ್ಮಿತೆ ಇಲ್ಲದಿರುವುದು ಕಂಡುಮಮ್ಮಲ ಮರುಗಿದೇನಯ್ಯಾ ಬಸವ ಪ್ರಿಯ ಶಶಿಕಾಂತ ಡಾ ಶಶಿಕಾಂತ ಪಟ್ಟಣ ರಾಮದುರ್ಗ ಪುಣೆ