ಇಂದಿರಾ ಪ್ರಕಾಶ್ ಅವರ ಕವಿತೆ-ಅನ್ಯರ ಹಂಗೇಕೆ?

ಕಾವ್ಯಸಂಗಾತಿ

ಇಂದಿರಾ ಪ್ರಕಾಶ್

ಅನ್ಯರ ಹಂಗೇಕೆ?

ಲೇಖನಕೆ ತಾಮೂಡಿ
ಬಂದ ಪದಪುಂಜಗಳರಿವಿಲ್ಲ
ಲೇಖನಿಗೆ ತಾ ಹೊರ
ಸೂಸುವ ಷಾಹಿಯ ಪ್ರಮಾಣದರಿವಿಲ್ಲ

ಇದ್ದರೂ ಒಂದೇ ನಾಣ್ಯದ
ಎರಡುಮುಖಗಳಂತೆ
ಮುಗಿಸಿ ಮೌನದಿ ತಮ್ಮ ಕಾರ್ಯ
ಓದುಗರ ಮನದಾಳಕ್ಕೆ ನುಗ್ಗಿ
ಅಂತರಾಳವ ತಟ್ಟುವ ಗುಣ
ಒಗ್ಗೂಡಿಸಿಕೊಂಡಿರುವಾಗ

ವ್ಯಕ್ತಿ ವ್ಯಕ್ತಿಗಳಿಗೆ ತಮ್ಮ
ವ್ಯಕ್ತಿತ್ವದ ಅರಿವಿಲ್ಲದೆ
ಮತ್ತೊಬ್ಬರ
ಕೂಪಕ್ಕೆ ತಳ್ಳಿ
ತಾ ಸುಖಿಸುವ ಹಂಬಲ

ಆ ಹಂಬಲದಿ ತಮ್ಮ
ಸ್ಥಿತಿಗತಿಗಳನರಿತು ಪರಿಸ್ಥಿತಿಯ
ಒಳಿತು ಮಾಡದ ಹೊರತು
ಮತ್ತೊಬ್ಬರ ಬಾಯಿಗೆ
ಆಹಾರವಾಗುವ ಗೋಜೇಕೆ?

---

ಇಂದಿರಾ ಪ್ರಕಾಶ್