ಕಾವ್ಯ ಸಂಗಾತಿ
ಇಮಾಮ್ ಮದ್ಗಾರ
ಸ್ವಲ್ಪ ತಡಿ
ನಾನು ಬದಲಾಗಿರಬಹುದು
ಆದರೆ..ನೀನಂದು ಕೊಂಡಂತಲ್ಲ
ನಾನು ಬದುಕಿರಬಹುದು
ಆದರೆ…ನಾನಂದು
ಕೊಂಡಂತಲ್ಲ
ನಾನು ನಿನ್ನೊಂದಿಗೆ ಮಾತು
ಬಿಟ್ಟಿರಬಹುದು ಆದರೆ….
ಕಣ್ಣು ????
ಗಾಳಿಮಾತಿಗೆ ನೀ ಕಿವಿಯನೇಕೇ ಹಿಗ್ಗಿಸುವೆ ?
ಕಣ್ಣೀಲ್ಲ ಪ್ರೀತಿಗೆ ಅನುಭವಿಕರಾ ಮಾತು
ಉಸಿರತಿತ್ತಿ ಉಸಿರಾಡುವದ
ಮರೆಯುವ ಮುನ್ನ
ಅಪ್ಪಿನೋಡೊಮ್ಮೆ.
ನನ್ನೆದೆಯ ಬೇಗುದಿಗಳೆಲ್ಲ-
ವನ್ನೂ ನಿನ್ನೆದೆಗೆ ಸಾಗಹಾಕಿ
ನಾ ನಿಟ್ಟುಸಿರ ಬಿಟ್ಟು ಬಿಡುವೆ ಕೊನೆಯದಾಗಿ
ಮಿದುಳಿನ ನರಗಳಿನ್ನೂ
ನಿನಗಿಂತ ಚುರುಕಾಗಿವೆ
ಹೃದಯ ??? ಅದನ್ನು
ನೀನೇ ಕೇಳಬೇಕು !
ಸ್ವಲ್ಪ ತಡಿ
ಹೆಜ್ಜೆಸಪ್ಪಳ !!
ಖಂಡಿತ ಅಮ್ಮನವೇ ಥೇಟು…
ನಿನ್ನ ಹೆಜ್ಜೆ ಸಪ್ಪಳದಂತೆ
ನಾಳೆ ಮಾತನಾಡುವೆ
ಉಸಿರಿದ್ದರೆ.
ಇಮಾಮ್ ಮದ್ಗಾರ
