ವಾಣಿ ಯಡಹಳ್ಳಿಮಠ ಅವರ ಗಜಲ್

ಕಾವ್ಯ ಸಂಗಾತಿ

ವಾಣಿ ಯಡಹಳ್ಳಿಮಠ

ಗಜಲ್

ನೀ ಇಲ್ದಾಗ ಬೀಸೊ ತಂಗಾಳಿನೂ
ಬಿರುಬಿಸಿಲಿದ್ದಂಗ ಅಂತಿದ್ದೀ ಹೆಂಗ್ ದೂರಾದಿ
ನೀ ಇಲ್ದಾಗ ಬಿದ್ದ ಬೆಳದಿಂಗಳು
ಕಗ್ಗತ್ತಲಿನ ಅಮಾಸಿ ಅಂದಿದ್ದೀ ಹೆಂಗ್ ದೂರಾದಿ

ನಿನ್ ಮಾರಿ ನೋಡಿದ್ರ, ನನ್ ನಗು ಮಾಸಲ್ಲ
ಮಾರಾಯಿತಿ ಅಂತಿದ್ದೀ ,
ನಿನ್ ನೋಡಕೊತ  ಹಗಲು ,ರಾತ್ರಿ
ಕಳಿಬೇಕಂತ ಹೇಳಿದ್ದೀ ಹೆಂಗ್ ದೂರಾದಿ

ನೋವು ನಲಿವಿನ್ಯಾಗ ನನ್
ಜೊತಿ ಇರ್ತೀನಂತ ಆಣಿ ಇಟ್ಟಿದ್ದಿ ,
ನೀ ಇಲ್ದಾಗ ನಕ್ಕ ನಗು, ಸುವಾಸನಿ  
ಇಲ್ದ ಸುಮದಂಗಂತ ಬರ್ದಿದ್ದೀ ಹೆಂಗ್ ದೂರಾದಿ

ಬರೀ ಒಂದ ಜನ್ಮಕ್ಕ ಮೀಸಲಿಲ್ಲ
ನಮ್ ಪ್ರೀತಿ ,
ತಾಯಿ, ತಂಗಿ , ಗೆಳತೀ ಎಲ್ಲಾ ನೀನ ಅಂತ
ನಕ್ಕಿದ್ದೀ ಹೆಂಗ್ ದೂರಾದಿ

ಇರ್ಲಾರ್ದ ಪ್ರೀತಿ, ಅದ ಅಂತ ಬಗದು
ತೋರಿಸಿದಿ ವಾಣಿಗಿ
ಎದ್ಯಾಗಿನ  ಆಸಿಗೀ ನೀನ ಉಸಿರಂತ
ಉಸುರಿದ್ದಿ ಹೆಂಗ್ ದೂರಾದಿ

——————

ವಾಣಿ ಯಡಹಳ್ಳಿಮಠ

.