ಕಾವ್ಯ ಸಂಗಾತಿ
ಡಾ. ಸುಮಂಗಲಾ ಅತ್ತಿಗೇರಿ
“ಹೇಳಿ ಹಗುರಾಗುವ ಕನವರಿಕೆ”
.
ನನ್ನ ಕನಸೇನಿದ್ದರೂ
ಕಪ್ಪು ಹಲಿಗೆ
ಬಿಳಿ ಬಳಪ
ಕೇಳುವ ಕಿವಿಗಳು
ಹೇಳಿ ಹಗುರಾಗುವ ಮನಸ್ಸು
ಮತ್ತೆ ಮತ್ತೆ
ಹೇಳುವ-ಕೇಳುವ
ತಿಳಿಯುವ-ತಿಳಿಸುವ
ಈ ಆಟ
ನನ್ನಿಚ್ಛೆಯದು….
ಮನಕೆ ಮುದನೀಡಿ
ನನಗ ನಾನೇ
ಬೆನ್ನಿಗೆ ಭೇಶ್ ಹೇಳಿಕೊಂಡ
ಸಂತೃಪ್ತ ಭಾವದ ನಡಿಗೆ…
ಈ ಕಾಯಕಲ್ಪದ ದಾರಿಗೆ
ದಶಕ ದಾಟಿದ ಉಮೇದು
ಅದೇ ಕನವರಿಕೆಯಲ್ಲಿಯೇ
ಇದ್ದೇನೆ ಈಗಲೂ
ಮತ್ತೆ ಮತ್ತೆ
ಚೌಕಾಸಿ ಮಾಡದಿರಿ
ಯಾವ ಭದ್ರತೆಯ ಬುನಾದಿಯೂ
ಬೇಕಿಲ್ಲ!
ಹೇಳಿ ಹಗುರಾಗುವುದರಲ್ಲಿರುವ
ಸುಖ ಮತ್ತೆಲ್ಲಿಯೂ ಇಲ್ಲ
ಇದೇ ನನ್ನ ಕನಸು.
ಡಾ. ಸುಮಂಗಲಾ ಅತ್ತಿಗೇರಿ
ಅತಿ ಮಧುರ… ತುಂಬಾ ಸೊಗಸಾಗಿದೆ…
ಒಳ್ಳೆಯ ಕವಿತೆ.
ಅತ್ಯಂತ ಸೂಕ್ಷ್ಮವಾಗಿ, ಧ್ವನಿಸುವ ಕವಿತೆ
ಎಚ್ ಎಂ ಶ್ರೀಗುರುಪ್ರಕಾಶ
“ಹೇಳಿ ಹಗುರಾಗುವುದರಲ್ಲಿರುವ
ಸುಖ ಮತ್ತೆಲ್ಲಿಯೂ ಇಲ್ಲ” ಎಷ್ಟೊಂದು ಸತ್ಯ. ಸುಂದರವಾದ ಕವಿತೆ…