ಕಾವ್ಯ ಸಂಗಾತಿ
ಮಧುಮಾಲತಿ ರುದ್ರೇಶ್
“ಆಮಂತ್ರಿಸಿ ಹರ್ಷಿಸೋಣ”
ಬರುತಲಿದೆ ಧಾವಿಸಿ ಹೊಸ ವರುಷ
ವರುಷ ವರುಷಕೂ ಹೊಸ ಸಂಕಲ್ಪಗಳು
ಸಂಕಲ್ಪಗಳು ಕೇವಲ ಮಾತುಗಳಾಗದೆ ಇರಲಿ
ಇರಲಿ ನಮ್ಮೊಳಗೆ ಕನಸು ಕಾಣುವ ಮನಸು
ಮನಸು ಮನಸುಗಳನು ಬಂಧಿಸೋಣ
ಬಂಧಿಸೋಣ ಪ್ರೀತಿ ಸೌಹಾರ್ದತೆ ಸೇತುವೆ
ಸೇತುವೆ ಕಟ್ಟೋಣ ಹೃದಯ ಹೃದಯಗಳಿಗೆ
ಹೃದಯಗಳಿಗೆ ಹರಡಲಿ ಬಾಂಧವ್ಯದ ಬೆಳಕು
ಬೆಳಕು ಮೂಡಲಿ ಹೊಸ ವರ್ಷದ ಹೊಸ್ತಿಲಿಗೆ
ಹೊಸ್ತಿಲಿಗೆ ಪ್ರೀತಿ ರಂಗವಲ್ಲಿ ಚೆಲ್ಲಿ ಆಮಂತ್ರಿಸಿ
ಆಮಂತ್ರಿಸಿ ಹರ್ಷಿಸೋಣ ಹೊಸ ದಿನಗಳನು
ಹೊಸ ದಿನಗಳನು ಪ್ರಾರಂಭಿಸೋಣ ಹೊಸತನದಿ
ಹೊಸತನದಿ ಹೊಸ ಭಾವ ಮೂಡಿ ನಲಿಯೋಣ
ನಲಿಯೋಣ ನಗಿಸುತ ಮೆಲುಕದೆ ಕಹಿನೆನಪ
ಕಹಿನೆನಪ ಮರೆತು ಗುರಿಯೆಡೆಗೆ ಸಾಗೋಣ
ಸಾಗೋಣ ಒಂದಾಗಿ ದೇಶದುನ್ನತಿಗೆ ಶ್ರಮಿಸುತ
ಮಧುಮಾಲತಿ ರುದ್ರೇಶ್
About The Author
ಹೊಸ ಬರಹಗಾರರನ್ನು ಪ್ರೋತ್ಸಾಹಿಸುತ್ತಿರುವ ತಮಗೆ ತುಂಬು ಧನ್ಯವಾದಗಳು