ನಿರಚನಾ ಅವರ ಕವಿತೆ-ಅವನಿಲ್ಲದ ಮನೆ…. - ಸಾರ್ಥಕ ಬದುಕಿಗೆ ಸಾಹಿತ್ಯ ಸಂಗಾತಿ

ಕಾವ್ಯ ಸಂಗಾತಿ

ನಿರಚನಾ

ಅವನಿಲ್ಲದ ಮನೆ….

ಕಾದಿರುವೆ
ಅಹಲ್ಯೆಯಂತೆ ನಿನ್ನ ಪಾದ ಸ್ಪರ್ಶಕೆ
ಶ್ರೀರಾಮನಾಗಿ ಬರುವೆಯಾ?
ದ್ರೌಪದಿಯ ತೆರದಿ
ಕೈ ಮುಗಿದು ಮೊರೆಯಿಡುವೆ
ಶ್ರೀಕೃಷ್ಣನಂತೆ ಪೊರೆಯುವೆಯಾ?

ಅಪ್ಪುವೆನು ಮಾರ್ಕಾಂಡೇಯನಂತೆ
ಎಡೆ ಬಿಡದೆ ಭಜಿಸುವೆ ಪ್ರಹ್ಲಾದನಂತೆ
ನಿನ್ನ ದರುಶನ ಭಾಗ್ಯ ನೀಡುವೆಯಾ?
ದಾರಿ ಕಾಣದೆ
ಅಲೆದೇ ಅಲೆದೆನು ಅಕ್ಕನಂತಾದೆ
ಅನುದಿನವೂ
ನೆನೆದು ನೆನೆದು ದುಃಖದಿ ಮೀರಾಳನೂ ಮೀರಿಸಿದೆ.