ಪ್ರಭಾ ಅಶೋಕ ಪಾಟೀಲ-ಮರೆತು ಬಿಡು ನೀನು

ಕಾವ್ಯ ಸಂಗಾತಿ

ಪ್ರಭಾ ಅಶೋಕ ಪಾಟೀಲ

ಮರೆತು ಬಿಡು ನೀನು

ಕುಹಕದಿ ನುಡಿದ ನುಡಿಗಳನು
ವ್ಯಂಗ್ಯದಾ ನೋಟವನು
ತಿರಸ್ಕಾರದ ಕ್ಷಣವನು
ಮರೆತು ಬಿಡು ನೀನು

ನೀ ಸೋತಾಗ ನಕ್ಕವರ
ಮರುಕವಾ ತೋರದವರ
ಬಿದ್ದಾಗ ತುಳಿದವರ
ಮರೆತು ಬಿಡು ನೀನು

ಕುಟಕಿದವರ ಮಾತಿಗೆ ಕಲ್ಲಾಗು
ಅಪಮಾನಿಸಿದರೆ ಕಿವುಡಾಗು
ತಿಳಿಗೇಡಿ ಗಳಿಂದ ದೂರಗು
ಮರೆತು ಬಿಡು ನೀನು

ನಿನ್ನಾಸೆಯ ತಿಳಿಯದವರ
ಅಂತರಂಗವ ಅರಿಯದವರ
ಅಭಿಮಾನವ ಪಡದವರ
ಮರೆತು ಬಿಡು ನೀನು

ಸಾಧನೆಯ ಸಹಿಸದವರ
ಕಾಲು ಎಳೆದು ಹೋಗುವವರ
ಬೆನ್ನಿಗೆ ಚೂರಿ ಹಾಕುವವರ
ಮರೆತು ಬಿಡು ನೀನು

ಮನದೊಳಗೆ ನೀ ಮಗುವಾಗು
ಜಗದೊಳಗೆ ನೀ ಸಿರಿಯಾಗು
ನೊಂದವರಿಗೆ ನೀ ಕಣ್ಣಾಗು
ಎಲ್ಲ ಮರೆತು ಹಾಯಾಗಿ ನೀನಿರು

---

ಪ್ರಭಾ ಅಶೋಕ ಪಾಟೀಲ