ಕಾವ್ಯ ಸಂಗಾತಿ
ನಾನು ಹೆಣ್ಣು…ಹೌದು…!!
ಹೆಚ್.ಮಂಜುಳಾ, ಹರಿಹರ.
ನಾನು ಶಕ್ತಳು ನಾನು ಸಶಕ್ತಳು
ನಾ ಮಾಡುವುದನ್ನು ನೀನೆಂದೂ ಮಾಡಲಾರೆ,ನಾ ನೋಡುವುದನ್ನು ನೀನು ಅರಿಯಲಾರೆ;ಆದರೂ ಕಾಣೇ ಆ ಒಣಜಂಭವೇಕೋ…..
ಲಾಲನೆಗೆ ನನ್ನ ಮಡಿಲು ಪಾಲನೆಗೆ ನನ್ನ ಒಡಲು,ಆಟಕ್ಕೆ ಬೇಕು ತಾಯಿ ಪಾಠಕ್ಕೆ ನಾನೇ ಸೈಯಿ; ಮಗುವ ರಮಿಸುವ ಜಂಜಡವನೊಲ್ಲದ ನಿನಗೇಕೋ ನನ್ನೆಡೆಗೆ ಕಡೆಗಣ್ಣು….
ನಾನಿಲ್ಲದ ಮನೆಯದು ಕಸದ ಕೂಪ
ನಾನಿದ್ದರೆ ಕಳೆ ತುಂಬುವುದು ನಂದಾದೀಪ, ನಾನಿದ್ದರೆ ನಿನಗೊಂದು ಗತ್ತು ಗಮ್ಮತ್ತು;
ಅದಕ್ಕೂ ತಕರಾರು ನನಗೆ ಗೊತ್ತು…
ಏಕೆಂದರೆ ನಾನು ಹೆಣ್ಣು…
ನಿನ್ನ “ಅಹಂ” ಗೆ ‘ಒಗರಾದ’ ಹಣ್ಣು….!!
ಪ್ರಕಟಿಸಿದ್ದಕ್ಕಾಗಿ ತಮಗೆ ಧನ್ಯವಾದಗಳು ಸರ್.