ಬೇಸಿಗೆ ವಿಶೇಷ
ವರ್ಷನಾಟ್ಯವ ಮಾಡು ತಡವೇತಕೆ
ವತ್ಸಲಾ ಶ್ರೀಶ ಕೊಡಗು
.
ಇಳೆಯ ಮೈ ಸುಡುತಿಹುದು ಚಿಗುರಿಲ್ಲ ಹಸಿರಿಲ್ಲ
ಬಸವಳಿದ ತನುವ ನೀ ತಂಪಾಗಿಸು|
ನಳನಳಿಪ ತಿಳಿ ಹಸಿರ ದಾವಣಿಯ ತೊಡಿಸಿಬಿಡು
ಸಿರಿಗೌರಿಯಾಗುವಳು ಧರಣಿ ಮುದದಿ||
ಗಗನದೂರಲಿ ಮೋಡ ಹುಸಿಮುನಿಸ ತೋರುತಿರೆ
ಪವನ ನೀ ರಮಿಸೆ ಒಲುಮೆಯ ತೋಳ ಚಾಚು|
ಬಿರುಬಿಸಿಲ ಚಾದರವ ಮಡಚಿ ಸೂರಿನಲಿರಿಸಿ
ಇಳೆಯ ಸೆರಗಲಿ ಹನಿಯ ಕುಸುರಿ ಬಿಡಿಸು||
ಮುಗಿಲ ಹಾಳೆಯ ಮೇಲೆ ಕೋಲ್ಮಿಂಚ ಚಿತ್ತಾರ
ಬರೆಯೆ ಮರೆತಿಹೆಯೇನು ಮೇಘರಾಜ|
ಏಕೆ ಆಲಸ್ಯವಿದು ಇನ್ನೇಕೆ ಮೌನವಿದು
ಓ ನಭದ ಬಾಂಧವನೆ ಗರ್ಜಿಸುತ ಬಾ||
ಜಗದ ಪ್ರಾರ್ಥನೆ ಕೇಳು ಭುವಿಯ ಓಲೆಯ ಓದು
ಚುಂಬನದಿ ತಣಿಸು ನೀ ನೆಲದ ಬೇಗೆ|
ಮಳೆಮುತ್ತ ನೂಪುರವ ಧರಿಸಿ ನೀ ಧರೆಗಿಳಿದು
ವರ್ಷನಾಟ್ಯವ ಮಾಡು ತಡವೇತಕೆ||
9 thoughts on “”
Leave a Reply
Related Posts
ಎಂದು ಮರೆಯದ ಹಾಡು.. ಸ್ನೇಹದ ಕಡಲಲ್ಲಿ ನೆನಪಿನ ದೋಣಿಯಲಿ- ಶ್ರೀ ಗೊ ರು ಚನ್ನಬಸಪ್ಪ : ದಿ// ಹಿ ಮ ನಾಗಯ್ಯ.೮೭ ನೇ ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳನ( ಡಿಸೆಂಬರ್ ೨೦, ೨೧, ೨೨) ರಂದು ನಡೆಯಲಿರುವ ಸಾಹಿತ್ಯ ಸಮ್ಮೇಳನದ ಸರ್ವಾಧ್ಯಕ್ಷರಾಗಿ ಆಯ್ಕೆಯಾದ ಶರಣ ಸಾಹಿತಿ ಶ್ರೀ ಗೊ ರು ಚನ್ನಬಸಪ್ಪ ನವರಿಗೆ ಹಾರ್ದಿಕ ಅಭಿನಂದನೆಗಳು
ಮಾಜಾನ್ ಮಸ್ಕಿ ಅವರಹೊಸ ಗಜಲ್
ಕವಿತೆ ಆಪ್ತವಾಯ್ತು ಮೇಡಂ
ಧನ್ಯವಾದಗಳು
Very nice
Kavana rachane,
malegaagi korike
chennagide- teacher. ️️✒️
ಮಳೆಯ ಸಿಂಚನದ ಕವಿತೆ ಬಹಳ ಉತ್ತಮ ವಾಗಿ ಮೂಡಿಬಂದಿದೆ. ಧನ್ಯವಾದಗಳು ಮೇಡಮ್.
ಧನ್ಯವಾದಗಳು ಸರ್…
ಧನ್ಯವಾದಗಳು ಕಿಶೋರ್ ಸರ್
ಕವನ ಅರ್ಥಗರ್ಭಿತವಾಗಿದೆ ಮತ್ತು ಸಾಂದರ್ಭಿಕವಾಗಿದೆ.
ಧನ್ಯವಾದಗಳು