ಕಾವ್ಯ ಸಂಗಾತಿ
ಇವಳು
ಮಾಜಾನ್ ಮಸ್ಕಿ
ನವಮಾಸ ಬಚ್ಚಿಟ್ಟು ಸಲುಹಿದಳು
ಮೃದು ಮಲ್ಲಿಗೆಯಾಗಿ ಬೆಳೆದವಳು
ಪ್ರೀತಿಯ ಸುಹಾಸನೆ ಬೀರಿದವಳು
ಭಾವನೆಗಳ ಗುಪ್ತಗಾಮಿನಿ ಇವಳು
ಸೋಲು ಗೆಲುವುಗಳಿಗೆ ಪ್ರೇರಕಳು
ನೊಂದು ಬೆಂದರು ಸೋಲದವಳು
ಕಿರುಕುಳ ಅತ್ಯಾಚಾರಕ್ಕೆ ಕೊಲೆ ಆಗಿರುವಳು
ಎಲ್ಲಾ ಸಹಿಸಿ ಸಮುದ್ರದಂತೆ ತುಂಬಿಹಳು
ಮಮತೆಯ ಸೆಲೆ ಆಗಿರುವಳು
ಕರುಣೆಯ ನೆಲೆ ಇವಳು
ಕಲ್ಪನೆಗೂ ಮೀರಿದವಳು
ಮನ ಪುಳಿತಕೆ ಚುಂಬಕಳು
ಬೆಳದಿಂಗಳ ತಂಪಿನವಳು
ಸೂರ್ಯ ಕಾಂತಿಗೆ ಅರಳಿದವಳು
ಭೂಮಿ ಆಕಾಶಕ್ಕೂ ಬೆಳೆದಿರುವಳು
ಜೀವ ಸಂಕುಲನಕೆ ತಾಯಿ ಬೇರು ಇವಳು
