ಅಕ್ಕನೆಂದರೆ ಬರೀ ಅಕ್ಕನಲ್ಲವೋ

ಕಾವ್ಯ ಸಂಗಾತಿ

ಅಕ್ಕನೆಂದರೆ ಬರೀ ಅಕ್ಕನಲ್ಲವೋ

ಮಾಲತಿ ಎಸ್. ಆರಾಧ್ಯ

ಅಕ್ಕನೆಂದರೆ ಬರೀ ಅಕ್ಕನಲ್ಲವೋ
ಆಚಾರ ವಿಚಾರ ಸದ್ವಿಚಾರ ನಮ್ಕಕ್ಕ
ಕನ್ನಡದ ಮೊದಲ ಕವಿಯತ್ರಿ
ಬಸವ ಕಲ್ಯಾಣ ಅನುಭವ ಮಂಟಪದಿ
ಅಲ್ಲಮರ ದಿಟ್ಟ ಪ್ರಶ್ನೆಗಳಿಗೆ ಉತ್ತರವನ್ನಿತ್ತ ದಿಟ್ಟೆ
ನಮ್ಮಕ್ಕ

ಕಾಯಾ ವಾಚಾ ಮನಸಾ ಚೆನ್ನಮಲ್ಲಿಕಾರ್ಜುನನೇ ಪತಿಯಾಗಿ ಸ್ವೀಕರಿಸಿದ ಸಾಧ್ವಿ
ಆರಿಗೂ ಹೆದರದ
ಆತ್ಮಯಾಗಿ
ಆತ್ಮಸಂಗಾತಕೆ ಶಿವನನೇ
ಹೃದಯದೀ ಆರಾಧಿಸುತಾ ವಚನಗಳಲಿ ಸಾಮಾಜಿಕ ಕಳಕಳಿಯ
ಪದಗಳ ಭಿತ್ತಿ
ಜಗಕೆ ಉಣಬಡಿಸಿದ
ಸಂಸ್ಕಾರದ ಬುತ್ತಿ!

ಲೌಕಿಕ ಜಗವ ಧಿಕ್ಕರಿಸಿ
ಕೇಶಾಂಬರೆಯಾಗಿ ನಡೆದ
ಉಡುತಡಿಯ ಶರಣೆ
ಅಕ್ಕರೆಯ ಅಕ್ಕ
ನಮಗೆಲ್ಲಾ ಮಾದರಿ
ಅಲ್ಲಮ ಬಸವ ಸಿದ್ಧರಾಮ ಶರಣರೊಡನೆ ಕಲ್ಯಾಣ
ಕ್ರಾಂತಿದಿ ತೊಡಗಿಸಿ ಚೆನ್ನಮಲ್ಲಿಕಾರ್ಜುನ ಅಂಕಿತದಿ ಹಲವಾರು
ವಚನಗಳ ಕೊಡುಗೆಯಾಗಿ ನೀಡಿ
ಎತ್ತರದ ಚೇತನವಾಗಿ ಬೆಳೆದ
ನಮ್ಮ ಅಕ್ಕ

ಕಿರಿಯ ವಯಸಿನಲ್ಲೇ
ಹಿರಿಯ ಅನುಭಾವ
ಅಸಾಮಾನ್ಯ ಜೀವನ
ಅಕ್ಕನ ಬರಹಗಳು ಎಮಗೆ
ಸಾವಿರ ವರಹಗಳು
ಅಕ್ಕನೆಂದರೆ ಬರೀ ಅಕ್ಕನಲ್ಲವೋ
ಆಚಾರ ವಿಚಾರ ಸವಿಚಾರ ನಮ್ಮಕ್ಕ !!!!!

---