ಕಾವ್ಯ ಸಂಗಾತಿ
ಪ್ರೊ. ಸಿದ್ದು ಸಾವಳಸಂಗ
ಕವನ ಬರೆಯುವುದು ಕಷ್ಟ
ಕವನ ಬರೆಯುವುದು ಕಷ್ಟ
ಅದನ್ನು ಓದುವುದು ಇನ್ನೂ ಕಷ್ಟ !
ಕವನವೆಂದರೆ ಕೆಲವರಿಗೆ ಕಿರಿಕಿರಿ
ಹಲವರಿಗೆ ಬಲು ಹಿಗ್ಗು !
ಕವನ ಓದದೆಯೂ ವಿಮರ್ಶಿಸುವ
ಹಲವು ವಿಮರ್ಶಕರಿದ್ದಾರೆ !
ಅವನದು ಕವನಗಿವನವೆಂದು
ಕಾಲಹರಣ ಮಾಡುತ್ತಾನೆಂದು
ಟೀಕಿಸುವ ಟೀಕಾಕಾರರಿದ್ದಾರೆ !
ಮತ್ತೆ ಕೆಲವರು ಇವನಿಗೆ ಕವಿಯೆಂಬ
ಸೊಕ್ಕೆಂದು ಧಿಕ್ಕರಿಸುವವರಿದ್ದಾರೆ !
ಕವನದಲ್ಲಿ ಸಣ್ಣ ದೋಷವಾದರೂ
ಹಲವು ಜನ ದೊಡ್ಡ ಮಟ್ಟದ
ಟೀಕೆಯನ್ನು ಮಾಡುವವರಿದ್ದಾರೆ !
ಇದೆಲ್ಲದರ ಮಧ್ಯ ಕವನ ಬರೆದು
ಗೆದ್ದು ಬಾಗಬೇಕು ಬೀಗಬೇಕು ಕವಿ !!
————————–
ಪ್ರೊ. ಸಿದ್ದು ಸಾವಳಸಂಗ
About The Author
