ಕಾವ್ಯ ಸಂಗಾತಿ
ಮಹಾಂತೇಶ್.ಬಿ.ನಿಟ್ಟೂರು
ಆ….. ನಸು ನಗು
ಏನೆಲ್ಲಾ ಮರೆಸುವದು
ಆ….. ನಸು ನಗು!?
ಆದರೆ…………………..
ದುರಾಸೆಯ ಧೋರಣೆಗೆ
ನಲುಗಿಹುದು ಧರಣಿ
ಸೋಗಲಾಡಿ ಸ್ವಾರ್ಥದ ಭಾರಕೆ
ಮುಳುಗುತಿಹುದು ದೋಣಿ!
ಅಂತರಂಗದ ಧ್ಯಾನ
ಮಂದಿರ, ಮಸೀದಿ, ಚರ್ಚುಗಳ
ಮೇಲೆ ನಿಲ್ಲದ ದಾಳಿ;
ದೋಷ, ದ್ವೇಶ, ಮತ್ಸರ
ಆವೇಶ, ಆಕ್ರೋಶದ ಫಿರಂಗಿಗಳು,
ಮದ್ದು ಗುಂಡು ಬಾಂಬುಗಳು,
ತೆರೆದಿವೆ ನರಕದ ಹೆಬ್ಬಾಗಿಲು!
ಅರಿಷಡ್ವರ್ಗಗಳ ಆರ್ಭಟಕ್ಕೆ
ದು:ಖ-ದುಮ್ಮಾನದ ಕಾರಣಕ್ಕೆ
ಬಾಳಿನ ಸ್ವರ್ಗಲೋಕ ಹಾಳು…..
ಲಾಭ, ಲಾಭಿಗೆ ಮಣಿದು ಮಣೆ
ಹಾಕಿದವರನು ಕಂಡು ಘನತೆ
ತಾಳಿದೆ ಗಂಭೀರ ಮೌನ!
ಭ್ರಾತೃತ್ವದ ಬಾಗಿಲಿಗೆ
ಆತ್ಮ ವಂಚನೆಯ ತೋರಣ!
ಮಾನಸ ಸರೋವರದಿ
ಸ್ವಚ್ಛಂದವಾಗಿ ತೇಲುತ ಆಡುವ
ಹಂಸ ಪಕ್ಷಿಗೂ ಹಿಂಸೆಯ ಸಿಂಚನ !
………………….
ಈ
ಎಲ್ಲಾ
ಎಲ್ಲಾ ಬಿಟ್ಟು
ಒಂದು ಕ್ಷಣ ಚಿಂತಿಸೆ;
ಏನೆಲ್ಲಾ ಮರೆಸುವುದು
ಬುದ್ಧನ ಆ…. ನಸು ನಗು
ಆಗ ಬೇಕೆನಿಸುವುದು
ಪುಟ್ಟ ಮಗು!
ಮಹಾಂತೇಶ್.ಬಿ.ನಿಟ್ಟೂರು,
About The Author
