ಕಾವ್ಯ ಸಂಗಾತಿ

ಡಾ ಅನ್ನಪೂರ್ಣಾ ಹಿರೇಮಠ

Change alignmentReplace

ಡಾ ಅನ್ನಪೂರ್ಣಾ ಹಿರೇಮಠ ಗಜಲ್



ಗಜಲ್

ಬರಿದಾದ ಈ ಬಾಳಲಿ ಬೆಳಕಂತೆ ಬಂದು ಮರೆಯಾಗಿ ಹೋದೆಯಾ
ಕಾಲಿಯಿದ್ದ ಮನದಲಿ ನೂರು ಆಸೆ ತಂದು ದೂರವಾಗಿ ಹೋದೆಯಾ

ನಮ್ಮಯ ಪ್ರೇಮ ಸಂಬಂಧದ ಒಡನಾಟ ಶಿವನಿಗೂ ಒಪ್ಪಲಿಲ್ಲವೇನು
ಸಂಭ್ರಮದ ಗಳಿಗೆಗಳ ಅನುಭವಿಸದೆ ಇಂದು ಕಾಣದಾಗಿ ಹೋದೆಯಾ

ಸವಿ ಮಾತುಗಳ ಹೊನಲಿನ ಸಂಗೀತ ಸರಿಗಮಿಸಲು ಆಗಲಿಲ್ಲವೇನು
ಒಲವಿನಾಳದ ಸಾವಿರ ಮಿಡಿತಗಳ ತಿಂದು ಮೂಕವಾಗಿ ಹೋದೆಯಾ

ಅರೆಗಳಿಗೆ ಬಿಟ್ಟಿರಲಾರದ ಸಂಬಂಧ ಜೀವಕೂ ಇಷ್ಟವಾಗಲಿಲ್ಲವೇನು
ಪ್ರೇಮದ ಸುಧೆಯನು ಸವಿಜೇನಂತೆ ಸುರಿದು ಸಾಕಾಗಿ ಹೋದೆಯಾ

ಅಂತರಾತ್ಮದಿ ಬೆರೆತ ನೆನಪುಗಳ ಹಾಗೆ ಅಚ್ಚಾಗಿಸಲು ತಿಳಿಯಲಿಲ್ಲವೇನು
ಅನುರಾಗದ ಅಲೆಯಲಿ ನದಿಯಂತೆ ಹರಿದು ಬಯಲಾಗಿ ಹೋದೆಯಾ

ಭಾವಾಂತರಾಳದ ಬಯಕೆ ಹಂದರವ ಮುರಿಯದೆ ಇರಲಾಗಲಿಲ್ಲವೇನು
ನೊಂದ ಬೆಂದ ಜೀವಕೆ ಔಷಧಿಯಂತೆ ಬೆಂದು ಬೇಗೆಯಾಗಿ ಹೋದೆಯಾ

ಅನುಳ ಮನದಲರಳಿದ ಮಲ್ಲಿಗೆ ಕೆರಳಿಸಿ ಬಾಡಿಸದೆ ಬಿಡಲಾಗಲಿಲ್ಲವೇ
ಹೃದಯ ಮಂದಿರದಲಿ ದೇವನಂತೆ ನಿಂದು ಮಾಯವಾಗಿ ಹೋದೆಯಾ

ಡಾ ಅನ್ನಪೂರ್ಣಾ ಹಿರೇಮಠ

About The Author

admin

See author's posts