ಕಾವ್ಯಸಂಗಾತಿ
ಮನ್ಸೂರ್ ಮುಲ್ಕಿ
ಲೇಖನಿ
ಲೇಖನಿ ಮಾರುವ ಬೆಡಗಿಯೇ
ಒಂದಿನಿತು ನಗುವನು ಬೀರುವೆಯಾ
ನಿನಗಂದವ ಕೊಟ್ಟಿಹ ಪರಮಾತ್ಮ
ನಿನ್ನ ಚಂದವನೊಮ್ಮೆ ನೋಡಿದಿಯಾ||2||
ಬಿಸಿಲ ಬೇಗೆಯ ಹೂ ತೋಟ
ಕಣ್ಣ ಮಿಂಚಿನ ಆ ನೋಟ
ಸಂಚಾರದೊಳಗಿನ ಒಡನಾಟ
ನಿನ್ನ ಲೇಖನಿಯ ಮಾರಾಟ||2||
ಬಾನಂಗಳ ನೋಡುತಿಹ ಚಂದಿರನು
ತೇಲುವ ದೋಣಿಯ ನೋಡಿಹನು
ವಸಂತ ಕಾಲದ ಚಿಗುರೆಲೆಯು
ಕೋಗಿಲೆ ಗಮನಕೆ ಬಂದಿಹುದು||2||
ನಿನ್ನ ನಡತೆಯು ಸೌಮ್ಯ ಸುಂದರ
ಬಾಳ ಬಂಡಿಗೆ ನೀನೇ ಅಂತರ
ದರ್ಪಣದಲ್ಲಿಯೇ ನೋಡಿಹೆನು
ಒಮ್ಮೆ ಬಂದು ನಿಲ್ಲುವೆಯಾ||2||
ನೀನೇ ನೀಡಿಹ ಲೇಖನಿಯಲ್ಲಿಯೇ
ಮೂಡಿಹ ಕವಿತೆಯಿದು
ನಾ ಹಾಡಿದರೆ ನೀ ಕೇಳುವಿಯಾ
ನಾ ಹಾಡಿದರೆ ನೀ ಕೇಳುವಿಯಾ|||2||
ಮನ್ಸೂರ್ ಮುಲ್ಕಿ
About The Author
