ಗಜಲ್
ಮುತ್ತು ಬಳ್ಳಾ ಕಮತಪುರ
ಮತಗಳ ಜಗಳದಲಿ ಈ ಮಣ್ಣ ಗುಣವನು ಮುರಿಯದಿರು |
ಆಚರಣೆ ನೆಪದಲಿ ಈ ನೆಲದ ಪ್ರೀತಿಯನು ಮುರಿಯದಿರು ||
ಮುಖದ ಛಾಯೆ ತೋರದ ನಿಷ್ಠೆಯನು ತಲ್ಲಣಿಸದಿರು |
ಪ್ರತಿದಿನ ಧರಣಿ ನಮಿಸುವೆ ಪ್ರೇಮವನು ಮುರಿಯದಿರು ||
ಬಿರುಕು ಬಿಟ್ಟ ಮಿನಾರಿನ ಗೋಡೆಗೆ ಉಸಿರುಗಳೆ ಆಧಾರ |
ನಿನ್ನನ್ನು ಕ್ಷಮಿಸದು ಇತಿಹಾಸ ಗುರುತನು ಮುರಿಯದಿರು ||
ಕುಗ್ಗುವೆವು ಕುಹಕದ ಕೊಂಕು ನುಡಿಗೆ ಸಂಶಯಸದಿರು |
ಪುನಃ ಸಾಬೀತೆ ? ಭೂಮಿಯ ತಳವನು ಮುರಿಯದಿರು ||
ಬಣ್ಣಗಳ ಮೇಲಾಟ ಮನುಜಪಥ ಮರೆಯದಿರು ಮುತ್ತು |
ಚಂದ್ರತಾರೆಗಳ ಜೋಗುಳದ ಬೆಳಕನು ಮುರಿಯದಿರು ||
About The Author
