ಕಾವ್ಯ ಸಂಗಾತಿ
ಪ್ರೇಮಪರವಶ
ಡಾ. ನಿರ್ಮಲ ಬಟ್ಟಲ
ಓ.. ಪ್ರೇಮವೆ ನೀ ಭಾವವಾದಾಗ
ವಿಸ್ಮಯವಿ ಜಗವು
ಶರಣಾದೆನು ನಾ ಪ್ರೇಮಕೆ….!
ಎದೆಯ ಮಿಡಿತದ
ಪ್ರತಿಬಡಿತಯೊಳಿದೆ
ಪ್ರೇಮತರಂಗದ…..!
ಕಡಲ ಒಡಲಾಳದಲಡಗಿ
ಒಲವಲೆಯಾಗಿ ತೀರವನಪ್ಪುತಿವೆ
ಪ್ರೇಮದಲೆ…..!
ಅರುಣೋದಯದ ಹೊಂಗಿರಣ ನುಣುಪಿನಪ್ಪುಗೆಯಲಿದೆ
ಪ್ರೇಮರಶ್ಮಿ….!
ಹೂವಿನೆದೆಯೊಳಡಗಿದೆ
ಮಕರಂದ ಮಾಧುರ್ಯದ
ಪ್ರೇಮಜೇನು….!
ಕಾಮನ ಬಿಲ್ಲಿನ ಬಣ್ಣಗಳ
ಸಂಭ್ರಮದಿ ನಲಿಯುತಿದೆ
ಪ್ರೇಮದ ರಂಗು….!
ಬೆಳಗುತಿದೆ ಹೃದಯಹಣತೆ
ಪ್ರೇಮತೈಲದಿ ಬೆರಗುಮೂಡಿಸಿದೆ
ಪ್ರೇಮದಬೆಳಕು…..!
ಶಬರಿರಾಧೆಯರಂತೆ
ಅಕ್ಕಮೀರಾಳಂತೆ
ಪ್ರೇಮವೆ…ಪರವಷಳಾನು ನಿನ್ನ ಅನುರಾಗದಲಿ….!
About The Author
