ಕಾವ್ಯ ಸಂಗಾತಿ
ಮನ್ಸೂರ್ ಮೂಲ್ಕಿ
ತನ್ಮಯ
ಚುಕ್ಕಿಯ ಆಟದ ನರ್ತನದಲ್ಲಿ
ಚಂದಿರನ್ಯಾಕೋ ನಗುತಿಹನು
ಅಂತರದಾಟದ ಓಟದಲಿ
ಕಾಂತಿಯ ಸೂರ್ಯನು ಮೂಡಿಹನು
ಮುಂಜಾನೆಯ ಸೊಗಸು
ಅರಳುತಲಿರಲು
ಹೂವಿನ ಪರಿಮಳ ಬೀರುವುದು
ಹಕ್ಕಿಯ ಚಿಲಿಪಿಲಿ ನಾದವ ಕೇಳಲು
ಮನವು ತನ್ಮಯಗೊಳ್ಳುವುದು
ದುಡಿಮೆಯ ಮಾಡುತ ನಗುವನು ಬೀರುತ
ಮನುಜನು ನಡೆಯುವ ಬದುಕಿನಲಿ
ಭಾವಗಳೆಲ್ಲವೂ ಸೇರುತಲಿರಲು
ಸಂಗೀತದ ಹೊನಲನು ಹರಿಸುವನು
ತೀರದ ಸನಿಹದಿ ಸಂಜೆಯ ನಡುಗೆಯು
ಹೃದಯದ ಮಾತಿಗೆ ಪೂರಕವು
ಬೀಸುವ ಗಾಳಿಯು ಮನವನು ತನಿಸಲು
ಸುಗಂಧ ಭರಿತ ಸುವಾಸನೆಯು
ಮುಳುಗುವ ಸೂರ್ಯನ ಅಂದವ ಕಾಣಲು
ಚಂದಿರ ಮೆಲ್ಲನೆ ಮೂಡುವನು
ಲಂಗರು ಹಾಕಿದ ಹಡಗುಗಳಲ್ಲಿ
ಬೆಳಕಿನ ನರ್ತನ ಕಾಣುವನು.
ಮನ್ಸೂರ್ ಮೂಲ್ಕಿ
ತುಂಬಾ ಚೆನ್ನಾಗಿದೆ ಕವಿತೆ