ಕಾವ್ಯ ಸಂಗಾತಿ
ವೈ ಎಂ ಯಾಕೊಳ್ಳಿ
ಪುಸ್ತಕ ದಿನದ ಗಜಲ್
ಪುಸ್ತಕವೆ ಜಗವ ಗೆಲ್ಲುವ ದಾರಿವೆಂದು ತೋರಿ ಹೋದವರು ಅವರು
ನಿತ್ಯ ದಿನಗಳ ಸುಟ್ಟುಕೊಂಡು ಬೆಳಕಿದೆಂದು ತೋರಿ ಹೋದವರು ಅವರು
ರಕ್ತ ಬೆವರುಗಳುಬೆರೆದು ಅಕ್ಕರದ ರೂಪ ಪಡೆದವು ಜಗಕೆ ಪ್ರಕಾಶವಾಗಲು
ಹಗಲು ರಾತ್ರಿಗಳನೊಂದಾಗಿಸಿ ಸಂಪದವಿದೆಂದು ತೋರಿ ಹೋದವರು ಅವರು
ದೇಶಕಾಲ ಸಂಬಂಧಗಳಾಚೆ ಸಂಪರ್ಕವು ಸಾಧ್ಯವಾಯಿತು ಅವರಿಗೆ
ಲೆಕ್ಕಣಿಕೆ ಹುಟ್ಟು‌ಹಾಕಿ ಪುಸ್ತಕದ ದೋಣಿಯಿದೆಂದು ತೋರಿ ಹೋದವರು ಅವರು
ವಿದ್ಯೆ ಹುಡುಕಿ ಬಂದ ಎಳೆಯ ಜೀವಗಳ ಕುಲಗೋತ್ರ ಎಣಿಸಲಿಲ್ಲ
ದೀರ್ಘದಾರಿಯನು ದಾಟಲು ದಾರಿಯಿದೆಂದು ತೋರಿ ಹೋದವರು ಅವರು
ನೆಲದ ಮೇಲಿದ್ದ ಜೋಗಿಯನೂ ಅಂತಸ್ತಿಗೇರಿಸಲು ಮಾರ್ಗವದಾಗಿತ್ತು
ಕೋಶವೇ ದೇಶದಾಚೆಗೆ ಸಾಗುವ ಏಣಿಯಿದೆಂದು ತೋರಿದರು ಅವರು
ವೈ ಎಂ ಯಾಕೊಳ್ಳಿ
