ಕಾವ್ಯ ಸಂಗಾತಿ
ಶೋಭಾ ಮಲ್ಲಿಕಾರ್ಜುನ್
ಗಜಲ್
ನೋಡ ನೋಡುತ್ತಲೇ ಮುಪ್ಪಡರಿತೇ ಸಖೀ…
ಕೂದಲು ಹಣ್ಣಾಗಿ ತೊಗಲು ಹುಣ್ಣಾಯಿತೇ ಸಖೀ…..
ಹರೆಯದಲಿ ಹಾರಾಡಿದ ದಿನಗಳ ಮರೆಯೋದಾದರೂ ಹೇಗೆ
ಯೌವ್ವನದ ಮಿಂಚುಗಳೆಲ್ಲ ಮಾಯವಾಯಿತೇ ಸಖೀ….
ಹಳೆಯ ಪಟಗಳ ನೋಡಿ ಆಗದಿರದೆ ಮೋಡಿ ನೆನೆದರೆ ರಾಡಿ
ಸವೆದದ್ದು ಸಮಯವೇ …ಕಾಯವೂ ಸವಕಲಾಯಿತೇ ಸಖೀ…
ಕನವರಿಕೆಯಲ್ಲಿ ಕಳೆದ ರಾತ್ರಿಗಳು ಕೆಂಡವಾದವು
ಕಣ್ರೆಪ್ಪೆಯಲಿ ಬಚ್ಚಿಟ್ಟ ಕನಸುಗಳು ನನಸಾಗದೆ ಹೋಯಿತೇ ಸಖೀ..
ಕಾಲದ ಲಯದಲಿ ಕಾಲವಾದವರೆಷ್ಟೋ
ಸಿಕ್ಕಿದ್ದೇ ಸಕಾಲವೆಂದರಿತು ಶೋಭಿಸುವುದ ಕಲಿತರಾಯಿತೇ ಸಖೀ
ಶೋಭಾ ಮಲ್ಲಿಕಾರ್ಜುನ್
About The Author
ಸವಿಯಾದ ನೆನಪುಗಳು
ಧನ್ಯವಾದಗಳು
Nice Akka