ಕಾವ್ಯ ಸಂಗಾತಿ
ಸವಿತಾ ದೇಶಮುಖ
ಮತ್ತೆ ಅರಳಲಿ
ಪುಟ್ಟ ಉರದ ಮೂಲೆಯಲಿ
ಅಮೃತ ಹೊನ್ನ ಘಳಿಗೆಯಲ್ಲಿ
ಚಿಮ್ಮಿದ ಪ್ರೇಮ ಒಲವಿನಲ್ಲಿ
ಬೆರೆತು- ಅರೆತ ಪ್ರೀತಿ ಮತ್ತೆ ಅರಳಲಿ..!!೧!!
ಪ್ರೀತಿಯ ಮಧುರ ಒಡಲು
ತ್ಯಾಗ – ಸನ್ಮಾನದ ಅಳಲು
ರಸಿಕ ಭಾವದ ಮಡಿಲು
ಮಾತು ಮೌನದಾಚೆ ಮತ್ತೆ ಅರಳಲಿ…!!೨!!
ಒಲವು ಸಂಗೀತ ಕಾನನ
ಮಾಧುರ್ಯ ಕಾಂತಿಯ ಜನನ…
ನಿರ್ಮಲತೆ ತಿರುಚಿ ನಶಿಸುತ್ತಿರೆ,
ಚಿಮುಕುತ ಮತ್ತೆ ಹಸನಾಗಿ ಅರಳಲಿ….!!೩!!
ಕಪ್ಪು -ಬಿಳಿ ಬಡವ -ಸಿರಿವಂತ
ಉಚ್ಚ -ನೀಚ , ಮೇಲು-ಕೀಳಂತ
ಅಧಿಕಾರ ಹೆಣ್ಣು ಮಣ್ಣುಂತ
ಮರೆತ- ಸೌಜನ್ಯತೆ ಮತ್ತೆ ಅರಳಲಿ….!!೪!!
ಪರಿಶುದ್ಧ ಭಾವದಲ್ಲಿ, ಮರೆಯದೆ
ಗತಕಾಲದ ತ್ಯಾಗ ಬಲಿದಾನ
ಮನಗಟ್ಟಿ, ದ್ವೇಷ ವೈರತ್ವ ಬದಿಗಿಟ್ಟು
ಸೌಹಾರ್ದತೆ ಮತ್ತೆ ಅರಳಲಿ……..!!೫!!
ಅರಳಲಿ ಮತ್ತೆ ಘಮಘಮಿಸಿ ಎಲ್ಲೆಲ್ಲಿಯು
ಸುಜ್ಞಾನದ ಹೂವು ಸಂಸ್ಕೃತಿ- ಸಂಸ್ಕಾರ ತುಂಬಿ…
ಮತ್ತೆ ಮತ್ತೆ ಅರಳಲಿ…..
———————————————————-
ಸವಿತಾ ದೇಶಮುಖ*
