ಕಾವ್ಯ ಸಂಗಾತಿ
ಅಶೋಕ ಬೇಳಂಜೆ
ಗಜಲ್
ಅಡಗಿ ಕುಳಿತ ನಮ್ಮೊಳಗಿನ ಅಹಂ ಜಯಿಸಿ
ಬದುಕಬೇಕು ಗೆಳೆಯ
ಜೀವನದ ಪ್ರತಿಕ್ಷಣವು ಶ್ರಮಿಸುವ ತಾಳ್ಮೆ
ಇರಬೇಕು ಗೆಳೆಯ
ಶಾಂತಿ ಸಂತೋಷ ಸಮಧಾನ ಸಹನೆ
ಇವುಗಳಿಗಿದೆ ಶಕ್ತಿ
ಸಿರಿವಂತ ಬಡವನೆಂಬ ಭೇದದ ತಾರತಮ್ಯ
ಬಿಡಬೇಕು ಗೆಳೆಯ
ಕೋಪಗೊಳ್ಳದೆ ಕಾರ್ಯ ಸಾಧನೆಯಾಗದೆಂಬ
ಭ್ರಮೆಯನು ಬಿಡು
ಬಾಳಿಗೆ ಅವಶ್ಯಕವಾದ ಭಾವನೆಗಳನ್ನು
ಸ್ವೀಕರಿಸಬೇಕು ಗೆಳೆಯ
ಮನಸ್ಥೈರ್ಯದಿಂದ ಏನನ್ನ ಬೇಕಾದರೂ
ಸಾಧಿಸಬಹುದು
ಸದ್ಗುಣ ಸಚ್ಯಾರಿತ್ರದ ಹಿರಿಮೆಯ ಶ್ರೇಷ್ಠತೆಯು ತಿಳಿಯಬೇಕು ಗೆಳೆಯ
ಅಶೋಕನಂತ ನಿಜ ಸ್ನೇಹಿತನನ್ನು ಅನುಸರಿಸು
ಮಂದಹಾಸನಾಗಲು
ಒಳ್ಳೆತನವನು ಪ್ರಶಂಸಿಸುತ ಇತರರನು
ಗೌರವಿಸಬೇಕು ಗೆಳೆಯ
ಅಶೋಕ ಬೇಳಂಜೆ
