ಕಾವ್ಯ ಸಂಗಾತಿ
ಡಾ.ಸುಮತಿ ಪಿ
‘ಬಸಿರಿಗೆ ಜೀವ ತುಂಬವ್ಳೆ’
ಬಳಲಿದ ಭೂತಾಯಿ ನೀರಾಗ ನೆನೆದವ್ಳೆ
ಗಂಗೆಯು ಹರಿದು ಕುಣಿದಾವ್ಳೆ|ರೈತನ|
ಮನದಾಗ ಖುಷಿಯ ತುಂಬವ್ಳೆ
ಗದ್ದೇಲಿ ಬಿತ್ತಿದ ನೇಜಿಯ ಹರಿದವ್ರೆ
ನಾಟಿಯ ಮಾಡಲು ಒಯ್ತವ್ರೆ|ನಾರಿಯರು|
ಸಂತಸದಿ ಎತ್ಕೊಂಡು ನಡೆದವ್ರೆ
ಹೊಲವನ್ನು ಉತ್ರವ್ರೆ ನಾಟಿಯ ಮಾಡವ್ರೆ
ಧರಣಿಯು ಹಸಿರನ್ನು ಹೊದ್ದವ್ಳೆ|ಸುತ್ತೆಲ್ಲ|
ಬೆಳೆಯಿಂದ ಕಂಗೋಳಿಸಿ ನಿಂದವ್ಳೆ.
ಹಸಿರಲ್ಲಿ ಭೂತಾಯಿ ಉಸಿರನ್ನು ನೀಡವ್ಳೆ
ಬಸಿರಿಗೆ ಜೀವವ ತುಂಬವ್ಳೆ |ನಮ್ಮವ್ವ|
ಹಸನಾಗಿ ಪೋಷಣೆ ಮಾಡ್ತವ್ಳೆ.
——————
ಡಾ.ಸುಮತಿ ಪಿ
