ಕಾವ್ಯ ಸಂಗಾತಿ
ಸವಿತಾ ದೇಶಮುಖ
ಸಂಬಂಧಗಳು
ಎನಿತು ಪೇಳಲಿ ಸಂಬಂಧಗಳ
ಕಥನವ…
ಬಂಧನದ ಬಂಧದಲಿ
ಸಿಲು- ಸಿಲುಕಿ ಓಲಾಡುತ್ತಿರುವ ಮನ-ಮನೆ- ಕುಟುಂಬಗಳ ಸಂಧಿ…
ಏರಿಳಿತ ಪಯಣದ ಬಂಧಿ..
ಇಷ್ಟ ಅನಿಷ್ಟ ಅಪರೂಪದ ರೂಪ,
ತನಗೆ ತಿಳಿದ ದಾಟಿಯಲಿ ಹೆಣೆಯುತ, ಇಳಿದಷ್ಟು ಆಳ, ಅರ್ಥೈಸಿದಷ್ಟು ಘನ ಸಂಬಂಧ,
ಅರಿಯದಿದ್ದರೆ ನಿಂತ ನೀರು
ಕೊಳೆತು ನಾರುವ ನಾಲಿಗಳು…
ಅರ್ಥ- ಅಪಾರ್ಥಗಳ ಎಣಿಕೆಯ ಸಂಬಂಧ
ಆಕಾರ-ರೂಪ-ರೇಷೆ ಇಲ್ಲದ
ಎಲ್ಲೇ ಎಲ್ಲಾ ದಾಟಿ ನಿಂತು
ಹೋದಷ್ಟು ಎತ್ತರಕ್ಕೆ ಕೈಗೆ ಏಟುಕದ ಸಂಬಂಧ
ಸಂದ ಸುಸಂಬಂಧಗಳ ಬಂಧನ
ಉಳಿಸಿ ಬೆಳೆಸಿ ಓಲೈಸಿ
ದಿಟವ ಅರಿತು ಬಾಳಿದವನೇ ಪುಣ್ಯವಂತ
ತೆಲೆ ಎತ್ತಿ ಬಾಳಿನ ಸಾರ್ಥಕ ಕಳೆಯು..
——————————–
ಸವಿತಾ ದೇಶಮುಖ.
About The Author
