ಮಧುಮಾಲತಿ ರುದ್ರೇಶ್ ಕವಿತೆ- ವಿಸ್ಮಯವೀ ಜಗ

ಕಾವ್ಯ ಸಂಗಾತಿ

ಮಧುಮಾಲತಿ ರುದ್ರೇಶ್

ವಿಸ್ಮಯವೀ ಜಗ

ದೇವನ ಜಗವಿದು ವಿಸ್ಮಯಗಳ ಗೂಡು
ದೇವ ಕುಂಚದ ಕುಶಲತೆಯ ನೋಡು

ದೃಷ್ಟಿಯಂತೆ ಸೃಷ್ಟಿ ಎನ್ನುವ ಈ ಮಾತಿಗೆ
ಕಲೆಯ ಬಣ್ಣ ಬಳಿದಿರುವ ಈ ಪ್ರಕೃತಿ ದೇವಿಗೆ

ಸೃಷ್ಟಿಯ ಸೋಜಿಗದ ಜೀವರಾಶಿಯಲ್ಲಿ
ಸಕಲ ಜೀವಿಗಳಿಗೂ ಆಶ್ರಯ ವಿಹುದಿಲ್ಲಿ

ವಿಧಾತನ ಪುಸ್ತಕದ ಹಾಳೆಯೊಳಗೆ
ಬೆಲೆಯಿಹುದು ಪ್ರತಿ ಜೀವಿಯ ಅಕ್ಷರಗಳಿಗೆ

ನದಿ ತೊರೆ ಬೆಟ್ಟ ಗುಡ್ಡ ಹಸಿರು ಕಾನನ
ಜೀವಿ ವೈವಿಧ್ಯತೆಯ ಹಾಡಿನ ತನನ

ನಾನು ನನ್ನದೆನ್ನುವ ಭಾವ ತೊರೆದು
ಜೀವಿಸೋಣ ನಿಸರ್ಗ ನಿಯಮಕೆ ಮಣಿದು

ಉಳಿಸೋಣ ಪ್ರಕೃತಿ ದೇವಿಯ ಹಸಿರ ಸಿರಿಯ
ಸ್ವಾಗತಿಸೋಣ ಶುದ್ಧ ಸಮೃದ್ಧ ನಾಳೆಯ

---

ಮಧುಮಾಲತಿ ಅರುದ್ರೇಶ್