ಇವನೊಂದಿಗೆ ಅವನನ್ನೂ
ಧಾಮಿನಿ
ಸತ್ತಂತಿದ್ದೆನು ನಾನು
ಅದಕೆ ಕಾರಣ ನೀನು
ಏನೊಂದೂ ಅರಿವಾಗಲಿಲ್ಲ
ತಿಳಿಯುವಷ್ಟರಲ್ಲಿ ಮುಗಿದಿತ್ತೆಲ್ಲ
ಮೈ ತುಂಬಾ ಚೇಳು
ಅದಕಿಂತ ಸಾವೇ ಮೇಲು
ಮೈಯೋ ಬೆಣ್ಣೆಯಂತೆ ಮೃದು
ಮನಸೋ ಕಲ್ಲಿನಂತೆ ಕಠಿಣ
ತಾನಾಗಿ ಚಲಿಸಲಿಲ್ಲ ಒಂದೂ ಬೆರಳು
ಬಲವಂತಕ್ಕಾಗಿ ಚೀರಿದವು
ಎಲ್ಲಾ ನರಳು
ಸತ್ತಂತಿದ್ದೆನು ನಾನು
ಅದಕೆ ಕಾರಣ ನೀನು.
ಹುಚ್ಚಿ
ಇವನನ್ನು ಅವನೆಂದು ತಿಳಿಯಬಾರದಿತ್ತೇ
ಹಬ್ಬವೇ ಆಗಿಹೋಗುತಿತ್ತಲ್ಲೆ!
ಬರೀ ಗಂಡಸರಷ್ಟೇ ಇವಳೊಂದಿಗೆ ಅವಳನ್ನು
ಹೋಲಿಸಿಕೊಳ್ಳುವುದೇ?
ನಮಗೇನು ಹಕ್ಕಿಲ್ಲವೇ
ಇವನೊಂದಿಗೆ ಅವನನ್ನೂ ಮುಡಿದುಕೊಳ್ಳುವುದು.
********
