ಕಾವ್ಯ ಸಂಗಾತಿ
ಶಂಕರಾನಂದ ಹೆಬ್ಬಾಳರ ಗಜಲ್
ಈ ಕ್ರೂರ ಜಗದೊಳಗೆ ಬಾಳುವುದು ಬಲುಕಷ್ಟ
ಆಕ್ರೋಶದ ವೇಳೆಯಲಿ ತಾಳುವುದು ಬಲುಕಷ್ಟ
ಚಾಕುಚೂರಿಗಳ ಒಡನಾಟದ ಓಡಾಟವಿದೆ ಇಲ್ಲಿ
ದುಗುಡದಿಂದ ಜೀವನವನು ಕಳೆವುದು ಬಲುಕಷ್ಟ
ಮುದುಡುತ್ತಿವೆ ಹಸುಗೂಸಿನ ಭವ್ಯ ಕನಸುಗಳು
ಪ್ರೀತಿಯಿಲ್ಲದ ನಾಡಿನಲ್ಲಿ ಇರುವುದು ಬಲುಕಷ್ಟ
ಸಂಬಂಧಕ್ಕೆ ಬೆಲೆಯಿಲ್ಲದೆ ಹೋಯಿತಲ್ಲ ದೇವರೆ
ಮಸಣದ ಭೂಮಿಯಲ್ಲಿ ಉಳಿವುದು ಬಲುಕಷ್ಟ
ಶಾಂತಿಯ ಪ್ರತೀಕವಾಗಿ ನಿಂತಿದ್ದಾನೆ ಅಭಿನವ
ನಿರ್ದಯಿಗಳಲಿ ಕರುಣೆ ಹುಟ್ಟುವುದು ಬಲುಕಷ್ಟ
