ಕಾವ್ಯ ಸಂಗಾತಿ
ಹುಳಿಯಾರ್ ಷಬ್ಬೀರ್-ಅಬಾಬಿ ಕಾವ್ಯ
1) ದೊಡ್ಡವರ ಹುನ್ನಾರ
ಚಿಕ್ಕವರ ಚೀತ್ಕಾರ
ಪ್ರಜ್ಞಾವಂತಿಕೆ ಅಡವಿಡಬೇಡಿ
ಷಬ್ಬೀರ್…!
ಜಗತ್ತು ನೋಡಿ ಜಾಗೃತರಾಗಿ.
2 ) ಅವಳು ಅವಳಲ್ಲ
ಕವಲು ನೋಟದವಳು
ಹೃದಯದಲ್ಲಿ ಮಸಿ
ಷಬ್ಬೀರ್…!
ಕಸಿಯಾಗಬೇಕಿದೆ ಭಾವನೆ.
3 ) ಕುಡುಕರ ಸಂತೆಯಲ್ಲಿ
ಹೊಸ ಬ್ರಾಂಡ್ ಗಳದ್ದೇ ಚಿಂತೆ
ಅರೆ ಪ್ರಜ್ಞಾವಂತಿಕೆಯ ಚರ್ಚೆ
ಷಬ್ಬೀರ್…!
ನಶೆ ಇರುವವರೆಗೆ ಮಾತ್ರ.
4 ) ತೆವಲುಗಳ ತಾಕಲಾಟದಲ್ಲಿ
ಹೊಟ್ಟೆಯ ಮೇಲೆ ಹೊಡೆಯಬೇಡಿ
ನರರೇ..? ಭಗವಂತನು
ಷಬ್ಬೀರ್…!
ನಿಮ್ಮ ಅಸ್ತಿತ್ವಕ್ಕೆ ಮೊಳೆ ಹೊಡೆದಾನು
5 ) ಸ್ವಾರ್ಥ ಮೌಲ್ಯ ಕೊಂದಾಗ
ಅವಮಾನ ಹೆಗಲೇರಿದಾಗ
ಅವಮಾನದ ಬುತ್ತಿ ಪರಾಕಾಷ್ಟತೆಯಾಗಿ
ಷಬ್ಬೀರ್…!
ಸುಂದರ ಬದುಕು ಮೂರಾಬಟ್ಟೆ.
