ಯುಗಾದಿ ವಿಶೇಷ
ಬಾ ಬಾ ವಸಂತ
ಬಾ ಬಾ ವಸಂತ ಬಳಿಗೆ
ಹೊಸವರುಷದ ಬಾಗಿಲಿಗೆ
ಕಾದಿರುವೆ ನಿನಗಾಗಿ
ನಿನ್ನ ಬರುವಿಕೆಗಾಗಿ
ಹರುಷ ಹೊತ್ತು ಬಾ
ವಿರಹ ಸರಿಸು ಬಾ
ಹಳೆ ಗುರುತುಗಳ ಅಳಿಸು
ನೋವ ಹೃದಯವ ನಗಿಸು
ಹೂಗಳ ಮೂಡಿಸು ಅಂಬರಕೆ
ಹಸಿರ ಹಾಸು ಭೂಮಿಗೆ
ಉದುರಿದ ಎಲೆಗಳ ಬೇಸರ ಮರೆಸು
ವನರಾಶಿಗೆ ನವಚೇತನ ತುಂಬಿ ಹರಸು
ಕೋಗಿಲೆಯೊಂದು ಹಾಡ ಹಾಡಲಿ
ಕವಿಗೊಂದು ಕವಿತೆ ಹುಟ್ಟಲಿ
ಜಗಕೆ ಜ್ಯೋತಿಯಾಗು
ನೋವ ನೀಗಿ ಸ್ನೇಹಿಯಾಗು
ಹಗಲು-ರಾತ್ರಿಗೂ ತಂಗಾಳಿಯಾಗು
ಬೇವು-ಬೆಲ್ಲದ ಸಮ್ಮಿಲನಕ್ಕೆ ಸಾಕ್ಷಿಯಾಗು
ಕೋಗಿಲೆಯ ಗಾನಸಿರಿ
ನವಿಲಿನ ನಾಟ್ಯ ಮೀರಿ
ಹೊಂಬೆಳಕ ಆಶಾದೀಪವಾಗು ಭಾಸ್ಕರನಲಿ
ಹೂಬಳ್ಳಿಗಳ ಚಿತ್ತಾರ ಬಿಡಿಸು ಚೈತ್ರಮಾಸದಲಿ
ಶುಭಕೋರು ಸರ್ವಜನಕು
ಸುಗ್ಗಿ ಸಂಭ್ರಮ ಸಾರು ರೈತರ ಮನಕು
ಬಾ ಬಾ ವಸಂತ ಬಳಿಗೆ
ಹೊಸ ವರುಷದ ಬಾಗಿಲಿಗೆ
ಒಲವು
