ಕಾವ್ಯ ಸಂಗಾತಿ
ಮಾವಿನ ಕಸ್ತ್ರಿ
ಎಸ್. ವಿ. ಹೆಗಡೆ
ಮನದಿ ಮಾಸದ ಮಾವೆ
ಶಿಶಿರ ಋುತು ಮಾಘ ಮಾಸದ
ಚಿಗುರಿ ನಿಂತ ಸಹಸ್ರ ಕಸ್ತೃಿಗಳ
ಶಿರದ ರಾಶಿಯ ಸುರಿದ ಮಾಯೆ
ನೋಡಿ ಮತ್ತೆ ಮನ ಕಲುಕಿದೆ ।
ಗಾಳಿಯಲಿ ಓಲಾಡಿ ತಮ್ಮೊಳಗೆ ಸೆಣಸಾಡಿ
ಕಣ್ತೆರೆದ ಮಿಡಿಯಾಗಿ ಟೊಂಗೆಯಲಿ
ಜೋತಾಡಿ ಸುಮ್ಮನೇ ಹಾರಾಡಿ
ಜೀವ ತುಂಬದೆ ಬಿದ್ದ ಮಿಡಿಗಳ ನೋಡಿ।
ಅಮ್ಮನುಸುರಿಗೆ ಉಸಿರಾಗಿ ಕಂಬನಿಗೆ
ಹನಿಯಾಗಿ ಸೆರಗಿನೊಳು ಸೆರೆಯಾಗಿ
ಸಂಕಟದಿ ಜೊತೆಯಾಗಿ ನಂಬಿ ನೆರವಾಗಿ
ಬೆಳೆದುಳಿದ ಪುಟ್ಟ ಮಿಡಿಗಳ ನೋಡಿ ।
ಮೋಹದ ಮೋಡಿ ಜೀವನಾಡಿ
ಮನ ಬಂದಾಗ ತುಂಬುವ ಒಡಲು
ನಿನ್ನದಾದರೆ ಒಡಲು ತುಂಬಲಾಗದೆ
ಮಿಡಿವ ಮನ ಮನೆ ಮನೆಯಲಿ।
