ಕೆಂಪು ಸೂರ್ಯ

ಕೆಂಪು ಸೂರ್ಯ

ಮೀನು ಹಿಡಿದು ಹೊರಡಲು
ವಿದೇಶಿ ಕೆಂಪು ಕೋತಿಗಳು
ಎಸೆಯುತ್ತಿದ್ದ ಬಣ್ಣ ಬಣ್ಣದ
ಚಾಕ್ಲೇಟ್ , ಬಿಸ್ಕತ್ಗಳನ್ನು
ಕ್ಯಾಚ್ ಹಿಡಿಯುತ್ತಿದ್ದುದ
ನಮ್ಮ ಹುಡುಗರ
ಅಸಹಾಯಕತೆಯನ್ನು
ಮತ್ತೊಬ್ಬ ಪರಂಗಿ
ವೀಡಿಯೊ ಮಾಡುತ್ತಿದ್ದ ಕಂಡೆನ್ನ
ರಕ್ತ ಕುದಿದು ಕಣ್ಣು ಕೆಂಪಾಗಿ
ಕ್ಯಾಮರಾ ಕಿತ್ತು ನೆಲಕ್ಕೆಸೆದು
ಪುಡಿಗೈದು ನಡೆದೆ
ಕುಯ್ಯುಗುಟ್ಟಿದ ಕೆಂಪು ಮೂತಿಯವ
ಹೇಳುವಷ್ಟರಲ್ಲಿ
ಪಶ್ಚಿಮದ ಸೂರ್ಯ ಕೆಂಪಾಗಿ
ಚಂದ್ರ ಬರಲು ಆಣಿಯಾಗಿದ್ದ..

---

ಡಾ.ಎಂ.ಈ.ಶಿವಕುಮಾರ ಹೊನ್ನಾಳಿ