ಕಾವ್ಯ ಸಂಗಾತಿ
ನಿರಂಜನ ಕೆ ನಾಯಕ
ನೋವು
ಬಲೂನ್ ಅಡಿಯಲಿ ನೆರಳು
ಹೊಟ್ಟೆ ಬರಿದು ತುಂಬದ ಕರುಳು
ಹರಿದ ಬಟ್ಟೆ ಬದುಕಲಿ ಇರುಳು
ನಲಿವ ನೀಡಿ ಸಹಜತೆಗೆ ಮರಳು
ಕಾಸಿಗೆ ಪಡೆವರು ಈ ಖುಷಿಯ
ಎದೆಯ ನೋವು ಬೇಡದ ವಿಷಯ
ಅರಿಯರು ಮನದ ಆಳದ ಗಾಯ
ದಣಿವರಿಯದೆ ದುಡಿವ ಈ ಕಾಯ
ಕ್ಷಣಿಕ ನಲಿವು ನೀರಿನ ಬುಗ್ಗೆಯಂತೆ
ಕಾಡುವ ಯೋಚನೆ ನಾಳೆಯ ಚಿಂತೆ
ಹಿಡಿದ ಚಿತ್ರವು ಹೇಳುವ ಕತೆ
ನಿಜವಲ್ಲ ಅದು ಹೇಳುವ ಗೀತೆ
ಇಂದಿನದು ಬೇಗನೆ ಹಿಂದೆ ಸರಿದು
ಮುಂದೆ ಕಾಣದ ಹಾದಿ ಇರುವುದು
ಕೂಸ ತೂಗಲು ತೊಟ್ಟಿಲು ಇರದು
ಇರುವುದ ಬಿಟ್ಟು ಇರದುದ ನೆನೆದು!!
ನಿರಂಜನ ಕೆ ನಾಯಕ
About The Author
ಅರ್ಥಪೂರ್ಣ ಕವನ
ಶುಭಲಕ್ಷ್ಮಿ ನಾಯಕ
Super
ಅರ್ಥಪೂರ್ಣವಾದ ವಿಚಾರ