ವ್ಯಾಲಂಟೈನ್ ವಿಶೇಷ
ಮಾಳೇಟಿರ ಸೀತಮ್ಮ ವಿವೇಕ್
ದತ್ತ ಸಾಲು: ಮೆಲ್ಲನೆ ಸವಿ ಮಾತೊಂದ
ಪ್ರಕಾರ: ಕವನ
ಶೀರ್ಷಿಕೆ: ಪ್ರೀತಿ ಅಂಕುರಕ್ಕೆ ಅಧರದಿ ಹೊರಟ ಕವಿತೆ
ಪ್ರೀತಿಯು ಅಂಕುರ ವಾಗಲು
ಮನವದು ಪಿಸು ಮಾತಾಡಿತು||
ಮೆಲ್ಲನೆ ಸವಿ ಮಾತೊಂದು
ಅಧರದಿ ಅದರುತ ಜಾರಿತು||
ಶಶಿ ತಂಪಿನ ಭಾವವು ತೇಲಲು
ಬೆಳದಿಂಗಳ ಆಸ್ತೆಯು ಕುದುರಿತು||
ಮೋಹನ ಸೆಳೆತದ ಕಣ್ಮಿಂಚದು
ತೇಜಸ್ಸಿಗೆ ಆಂತರ್ಯ ಬೆಳಗಿತು||
ಹೃದಯಾಳದ ಮಾತು ಮೂಡಲು
ಮೊಗದಲಿ ಕಾಂತಿಯು ಹರಡಿತು||
ಆನಂದದಿ ನುಲಿಯುತ ತನುವದು
ಮುದ್ದಾಡುವ ಅಪ್ಪುಗೆ ಬಯಸಿತು||
ಸರಸದಿ ಮನ ಲೋಕವ ಮರೆಯಲು
ತನು ಮಿಲನದ ಗುಂಗಲಿ ತೇಲಿತು||
ಹತೋಟಿ ಮೀರಿದ ಕ್ಷಣವದು
ಸುಂದರ ಒಪ್ಪುಗೆ ಕವಿತೆ ಗುನುಗಿತು||
===========================
ಮಾಳೇಟಿರ ಸೀತಮ್ಮ ವಿವೇಕ್
About The Author
