ಕಾವ್ಯ ಸಂಗಾತಿ
ಸವಿಶ್ರೀನಿವಾಸ
ಗೆಳತನದ ಮಳೆ
ಗೆಳತನದ ಸವಿ ನೀಲಾಕಾಶದ ಮೇಘಗಳ ಮಾಲೆಯಲಿ .
ಎಳೆತನದ ಕಂಪನದ ತಂಪನರಸುವೆನು ಸರಸದುಯ್ಯಾಲೆಯಲಿ ./
ಎಳೆ ಎಳೆಯಾಗಿ ಬಾವಕುಸುಮದೆಸಳುಗಳ ಅರಳುತಿರಲಾಗಿ .
ಮಳೆಯಾಗಿ ಭಾಂದವ್ಯದ ಹನಿಗಳು ಜಿನುಗಿದವು ತಾವಾಗಿ.//
ಬಾಳ ಬಾಂದಳದಿ ಗೆಳೆಯನ ಗುಡುಗು ಒಮ್ಮೆ .
ಸೆಳೆವ ಮನಸಿನ ಹುಸಿಮುನಿಸಿನ ಮಿಂಚು ಒಮ್ಮೊಮ್ಮೆ. /
ಸುಳಿವ ಬಾಳ ಬಿರುಗಾಳಿಯಲಿ ಅಮರ ಸ್ನೇಹದ ಭ್ರಮೆ.
ಮಳೆಯಾಗಿ ಕಷ್ಟಗಳು ಸುರಿದರೂ ತಾನಿರುವೆನೆಂಬ ಹೆಮ್ಮೆ. //
ಸೊಗಸಿದವು ಕೆರಳಿಸುವ ನುಡಿಗಳು ಹಿಡಿ ಮುತ್ತುಗಳಾಗಿ .
ನಗಿಸಿದವು ಬಗೆ ಬಗಯ ನಗೆ ನುಡಿಗಳು ಒಳ ಸ್ವತ್ತಾಗಿ . /
ಹಾಗೇ ಒಮ್ಮೆ ನಗುವು ಹೀಗೆ ಮಗದೊಮ್ಮೆ ಮೌನ .
ಗೆಳೆತನದ ಮಳೆಗೆ ಇಳೆಯಲಿ ಇದುವೇ ಬಹುಮಾನ.//
ಎದೆಗೂಡಿನ ಸರಸದ ಸುಮಧುರ ಸಂಗೀತ ಸ್ನೇಹ .
ಬಿದಿಗೆಯ ಚಂದಿರನಂದದಿ ಸೊಗಸು ಸಂಭ್ರಮ ಸ್ನೇಹ. /
ಮುದವೀವ ತುಡಿವ ಜೀವನಾಡಿ ಒಳನಾಡಿ ಈ ಸ್ನೇಹ.
ಎದೆಯ ಮೊರೆತ ಕರುನಾಡ ಕುಡಿಗೆ ಈ ಅಮರ ಸ್ನೇಹ .//
ಸವಿಶ್ರೀನಿವಾಸ
