ಶೋಭಾಮಲ್ಲಿಕಾರ್ಜುನ್ ಅವರ ಗಜಲ್

ಕಾವ್ಯ ಸಂಗಾತಿ

ಶೋಭಾಮಲ್ಲಿಕಾರ್ಜುನ್

ಗಜಲ್

ಅಂಧಕಾರದ ಜಗವ ಪೊರೆಯಲೆಂದೇ ಜನಿಸಿದವ ನೀ ಬಸವ
ಜಾತ್ಯಾತೀತತೆ ಮೆರೆಯಲೆಂದೇ ಬೆಳಕ ಹನಿಸಿದವ ನೀ ಬಸವ

ಅವಿರತ ಅರಿವಿನ ಸುಜ್ಞಾನಿ ನೀನು
ತ್ರಿವಿಧ ದಾಸೋಹಗಳ ತಿಳುಹಲೆಂದೇ ಅವತರಿಸಿದವ ನೀ ಬಸವ

ನಡೆನುಡಿಯೊಂದೇ ಆದವ ನೀನು
ಭೇದ ಭಾವಗಳ ತೊಳೆಯಲೆಂದೇ ಬುವಿಗಿಳಿದವ ನೀ ಬಸವ

ಕಾಯಕವೇ ಕೈಲಾಸ ಎಂದರುಹಿದವ ನೀನು
ಕಷ್ಟವನೀಗಿ ಉಲ್ಲಾಸ ನೀಡಿ ಅನುಭಾವ ಮೊಳೆಯಲೆಂದೇ
ಮೇಳೈಸಿದವ ನೀ ಬಸವ

ಮಾನವೀಯ ಸಂಸ್ಕೃತಿಯ ಕುಲ ಗೌರವ ನೀನು
ವಿಶ್ವ ಗುರುವಾಗಿ ಹೊಳೆಯಲೆಂದೇ ಶಾಶ್ವತ ಶೋಭೆ”ಯಾದವ ನೀ ಬಸವ

---

ಶೋಭಾಮಲ್ಲಿಕಾರ್ಜುನ್