ಮಲ್ಲಿಕಾ ಜೆ ಆರ್ ರೈ ಅವರ ಕವಿತೆ-'ದಡ ತಲುಪುವ ಮೊದಲು' - ಸಾರ್ಥಕ ಬದುಕಿಗೆ ಸಾಹಿತ್ಯ ಸಂಗಾತಿ

ಕಾವ್ಯ ಸಂಗಾತಿ

ಮಲ್ಲಿಕಾ ಜೆ ಆರ್ ರೈ

‘ದಡ ತಲುಪುವ ಮೊದಲು’

ಒಪ್ಪವಿರದ ಬದುಕಿಗೆ
ನಿತ್ಯವೂ ಅಡಿಗಡಿಗೆ
ಕಳೆದು ಹೋದ ನಂಬಿಕೆಗೆ
ಭರವಸೆಗಳೆ ಹೂನಗೆ //
ಗಡಿಯ ಕಾಯೋ ಸೈನಿಕ
ಜಗತ್ತಿಗೆ ಧೀರನಾಯಕ
ಮಾಡುವ ಪ್ರತೀ ಕಾಯಕ
ಮನದಲೇನೋ ಪುಳಕ //
ಕಾಣದ ಚಿಂತೆಗಳ ಮೂಟೆ
ಮರದಲ್ಲಿರುವ ತೊಗಟೆ
ಉತ್ತರಿಸಲಾಗದ ಒಗಟೆ
ವೇದನೆಗೆ ಮಿತಿ ಉಂಟೆ //
ಕಾಯಕದಿಂದಿಳಿದ ಬೆವರು
ಹೊಳೆಯಲ್ಲಿರುವ ನೀರು
ಸಾಗರದ ಬಳಿಗೆ ಸರಿದರೂ
ಹುಟ್ಟುವುದಿಲ್ಲವೇ ಪೈರು//
ಬದುಕಿನ ಹುಟ್ಟು ನೆನಪಿರದು
ಸಾಗುವ ಪಯಣ ಗೊತ್ತಾಗದು
ನಂಬುವ ಕಾಯಕ ಹಿರಿದು
ತೇಲುವ ದೋಣಿ ದಡ ತಲುಪುವುದು //