ಡಾ ಅನ್ನಪೂರ್ಣ ಹಿರೇಮಠ ಕವಿತೆ- ಅಮೃತ

ಕಾವ್ಯ ಸಂಗಾತಿ

ಡಾ ಅನ್ನಪೂರ್ಣ ಹಿರೇಮಠ

ಅಮೃತ

ಒಲವಿನಮೃತದ ಸವಿಯ
ಉಂಡವನಿಗೆ ಗೊತ್ತು
ಸವಿದಷ್ಟು ಸವಿಬೇಕೆನುವ
ಸಿಹಿಯಲಿ ಅದರ ಗತ್ತು //

ಅಪ್ಪುಗೆಯ ತೋಳ ಸೆರೆಯಲಿ
ನೋಟದ ನವಿರಾದ ಭಾವದಲ್ಲಿ
ನಲಿವಿನ ಹರ್ಷ ನಗುವಿನಲ್ಲಿ
ತುಂಬಿ ತುಳುಕಿ ಹರಿಯುವುದು ನಿತ್ಯ //

ಪ್ರೀತಿ ಮುತ್ತಿನಾ ತುತ್ತಲಿ
ಮೈಮರೆಸಿ ಮರುಳಾಗಿಸುವುದು
ಪ್ರೇಮಸುಧೆಯ ಜೇನಲ್ಲಿ
ನಿಂದು ಜಲಪಾತವಾಗುವುದು //

ಬಯಲಾಲಯದ ಚೆಲುವಲಿ
ಮಿಳಿತಗೊಂಡು ಹೊಮ್ಮುವುದು
ಎಲೆ ಮರ ಬಳ್ಳಿ ಬೆಡಗಲ್ಲಿ
ಒಂದಾಗಿ ಚೆಂದಾಗಿ ಮಿನುಗುವುದು //

ಅಂತರಾತ್ಮದಾ ಗೂಡಲ್ಲಿ
ಗುಬ್ಬಿಯಂತೆ ಚಿಂವಟ್ಟುವುದು
ಹೃದಯದಾ ಬಡಿತದಲ್ಲಿ
ಒಡಗೂಡಿ ಮಿಡಿಯುವುದು//

---

ಡಾ ಅನ್ನಪೂರ್ಣ ಹಿರೇಮಠ