ಕಾವ್ಯಯಾನ

ಸ್ವರ ಮಾಧುರ್ಯ

ಹೃದಯ ವೀಣೆ
ನಾದ ಅಲೆ ಅಲೆಯಾಗಿ
ಮನ ಕಡಲಿಗೆ ತಾಕುತಿದೆ
ನೋಡು ಒಳಗೆ ಒಮ್ಮೆ

ಕಡಲತೀರ ತೆರೆ ತಾಕಲಾಟ
ಭಾವಕೋಶ ಪತಂಗದಾಟ
ಬಾನುಲಿ ದಿಗಂತ ಮುಟ್ಟಲು
ಹಕ್ಕಿಗಳುಲಿಯುತ ಪುಟ ನೆಗೆತ

ಪಂಚ ಇಂದ್ರಿಯ ನಿಗ್ರಹಿಸಿ
ಒಂದೊಮ್ಮೆ ಕೇಳಿ ನೋಡು
ಕರ್ಣಾನಂದ ಉಕ್ಕಿ ಹರಿದು
ಆನಂದಬಾಷ್ಪ ಹೊಮ್ಮುವುದು

ಒಲವಿನಾಲಿಂಗನ ಮಿಲನ
ನಿಸರ್ಗ ಸ್ತನಪಾನ ಚೈತನ್ಯ
ಏಳು ಸಾಗರಗಳ ಎಲ್ಲೆ ಮೀರಿ
ಕೋಗಿಲೆ ಕಳಕಂಠ ಬೆರೆಸಿದೆ

ನಾಕು ತಂತಿಯಲಿ ಹುಟ್ಟಿದ
ಸಪ್ತ ಸ್ವರಗಳ ಮಾಧುರ್ಯ
ಮಧುರ ರಾಗ ಸಂಭವಿಸಿ
ಅಂತರಂಗ ಗಂಗೆ ಹರಿದಿದೆ

ಜಗದ ಜಂಜಾಟ ಜರಿದು
ಬಾಳಿನ ಸಂಕಟ ಹಿಸುಕಿ
ನೋಡು ಒಳಗೆ ಒಮ್ಮೆ
ನಾದಮಯ ದೇಹ ದೇಗುಲ.

********