ಕಾವ್ಯ ಸಂಗಾತಿ
ಒಲವ ಸ್ಪರ್ಶ
ಲಕ್ಷ್ಮಿ ಕೆ.ಬಿ
ನಿನ್ನ ಕಾಲ್ಬೆರಳಿಗೆ
ನನ್ನ ಕಾಲ್ಬೆರಳು….
ಲಜ್ಜೆ ಮಾಡಿಸದ್ದು
ವಯ್ಯಾರದಿ ಮಾತಿಗಿಳಿದು
ಮಾತಿಗೆಳೆಯಲು ನಿನ್ನೊಲವ
ಬೆರಳ ತುದಿ ಮನದಿ ಕುದಿ
ಕೂಡಿ ಆಡಿ ಜಗಳವಾಡಿ
ಆಸೆ ಹಕ್ಕಿ ಬಾನ ಸೇರಿ
ಒಲವ ಸಸಿ ಮನದಿ ಚಿಗುರಿ
ಭಾವ ಹೊಮ್ಮಿ ಅನುರಾಗ ಚಿಮ್ಮಿ
ಹೂಎದೆಯ ಬನದಿ
ಶೃಂಗಾರ ಅರಳಿತು
ಹೂ ಬೆರೆಯುವ ರವಿ
ಜೇನ ಸವಿಯುವ ದುಂಬಿ
ಮೊದಲ ಮಳೆಯ ಮಣ್ಣು
ನಿನ್ನ ಒಲವ ಕಣ್ಣು
ಮಳೆಸುರಿದ ಮುಗಿಲು
ನಿನ್ನೊಲವ ನವಿಲು
ನಿನ್ನೊಲವ ಸ್ಪರ್ಶ
ಸೋತು ಶರಣಾದ ಹರ್ಷ
ನಿನ್ನ ಕಾಲ್ಬೆರಳಿಗೆ
ನನ್ನ ಕಾಲ್ಬೆರಳು….
