ಕಾವ್ಯ ಸಂಗಾತಿ
ಡಾ ಗೀತಾ ಡಿಗ್ಗೆ
ಕ್ಷಣ ಸಾಕು
ಪ್ರೀತಿಯ ಆರಂಭಕೆ
ಕ್ಷಣ ಸಾಕು
ಜೊತೆಗೂಡಲು
ಋಣ ಬೇಕು
ಮಳೆಹನಿ ಬಿಸಿಲು
ಆಕಸ್ಮಿಕ ಪ್ರೀತಿಯ ಸ್ಪರ್ಷ
ಮೂಡುವದು ಆಗಸದಲಿ
ಕಾಮನಬಿಲ್ಲು
ಕಡಲಾಳದಲಿ ಬಾಯ್ತೆರೆದ
ಚಿಪ್ಪಲಿ ಸ್ವಾತಿ ಮಳೆಹನಿ
ಪ್ರೀತಿಯ ಸ್ಪರ್ಷವದು
ಹೊಳೆವ ಮುತ್ತು
ಹೂವಿನ ಮಕರಂದ
ಅರಸುತ ಬಂದ ದುಂಬಿ
ಪರಾಗ ಸ್ಪರ್ಷವು
ಪ್ರೀತಿಯ ಜೀವದುಸಿರು
ಪ್ರೀತಿ ಎರಡಕ್ಷರದ
ಪದವದು ಮಹಾಕಾವ್ಯ
ಪ್ರೀತಿ ಅನಂತದಾಳದ
ಮಹಾಸಾಗರ
ಪ್ರೀತಿ ಪ್ರೇಮ ಇಳೆಗೆ
ಅನಿವಾರ್ಯದ ಬಂಧ
ಒಲವು ನಲಿವು ಚಿಗುರಿನ
ಚಿತ್ತಾರದ ಅನುಬಂಧ
————————————————————
ಡಾ ಗೀತಾ ಡಿಗ್ಗೆ
About The Author
ಅತ್ಯುತ್ತಮ ಕವನಗಳನ್ನು ಬರೆಯುತ್ತಿರಿ ಮೇಡಂ
ಸುಂದರ ಭಾವದ ಅಂದದ ಕವನ ಮಾಡಮ್
Beautiful poem