ಕಾವ್ಯ ಸಂಗಾತಿ
ಅನಿತಾ ಪಿ. ತಾಕೊಡೆ
ಒಡ್ಡೋಲಗ
ಪಕ್ಷ ವಿಪಕ್ಷಗಳ ಜಾತಕವನು ತೆರೆದು
ಪೂರ್ವಾಪರಗಳ ಗ್ರಹಗತಿಯನು ತಿಳಿದು
ಮನೆಮನಗಳ ಕದವನು ತಟ್ಟುವಾಗ
ಪುಟ್ಟ ಅಂಗೈಯಲ್ಲಿ ದೊಡ್ಠ ನಕಾಶೆಯನಿಟ್ಟವರೇ ಮಹಾದೊರೆಗಳು
ಉರಿಯುವ ಬೆಂಕಿ ಕುದಿಯುವ ಎಣ್ಣೆ ಎಡಬಲಕೆ
ಬೆಂಕಿ ಸುಡುವುದಿಲ್ಲ ಎಣ್ಣೆ ಕುದಿಸುವುದಿಲ್ಲ
ಎಲ್ಲೆಲ್ಲೂ ನಯ ವಿನಯಗಳ ಮಾತಿನ ಬೆಲ್ಲ
ದೇಶಸೇವೆಯೇ ಈಶಸೇವೆಯೆನ್ನುವವರ ಮೆರವಣಿಗೆ ಹೊರಟಿದೆಯಲ್ಲ!
‘ನಮಗೂ ಒಂದು ಕಾಲ ಬರುತ್ತದೆ’ಯೆಂದು
ಕಾಯುವವರ ಕಾಲವೂ ಬಂದಾಗಿದೆ
ಒಪ್ಪು ತಪ್ಪುಗಳನು ತಕ್ಕಡಿಯಲ್ಲಿಟ್ಟು ತೂಗಿ
ಯಾರನಾರಿಸಿ ಗದ್ದುಗೆಯೇರಿಸಬೇಕೆಂದರಿಯಲು
ರಾಮನಾದರೆ ಸಾಲದು ದಶಾವತಾರ ತಾಳಬೇಕು
ಇನ್ನು ಕೆಲವೇ ದಿನಗಳು ಮತ್ತೆ ಹಿಂದಿನಂತೆಯೇ
ಕರೆದಾಗ ಎದ್ದು ಹೋಗಿ ಘೋಷಣೆ ಕೂಗುವುದು
ಸಭೆ ಸಮಾರಂಭಗಳಿಗೆ ಜೀವ ತುಂಬುವುದು
ರಾಜಬೀದಿಯಲ್ಲಿ ಗತ್ತು ಗಮ್ಮತ್ತಿನ ಒಡ್ಡೋಲಗಕೆ
ಬದಿಗೆ ಸರಿದು ನಿಲ್ಲುವುದು.
ಪರವಾಗಿರದವುಗಳಿಗೆ ಮುಷ್ಕರ ಹೂಡುವುದು
ಓಟಿನೋಟದ ಬರದಲಿ
ಹಾಲು ಜೇನಿನ ಬಂಧ – ಸ್ನೇಹ ಸೌಹಾರ್ದತೆಯ ಚಂದ
ಕಳೆದು ಹೋಯಿತೆಷ್ಟೋ…!
ಈಗೀಗ ಸದ್ದು ಗದ್ದಲದ ನಡುವೆ ದುಮುಗುಡುವ ದಗೆ
ಮನಸ್ಸಿನ ತುಂಬೆಲ್ಲ ಮತಬೇಧಗಳದೇ ಹೊಗೆ
ಅನಿತಾ ಪಿ. ತಾಕೊಡೆ
About The Author
ಸಮಯಕ್ಕೆ ತಕ್ಕಂತೆ ಹೊಂದುವ ಕವನ.. ಸೂಪರ್
Excellent narrative aligned with current scenario
ತುಂಬಾ ಚೆನ್ನಾಗಿ ಮೂಡಿಬಂದಿದೆ
Nice.. congratulations
Your thoughts are always well thinking in proper time and place congratulations
Congratulations
A perfect contemporary lyrics on politics. Very nicely written on the current political scenerio.
Wow very nice
ಪ್ರಸ್ತುತ ಪರಿಸ್ಥಿತಿಗೆ ಚೆನ್ನಾಗಿ ಹೊಂದುವಂತಹ ಕವಿತೆ