ಹೊಲದಿಂದ
ಹೊರಬಂದ ಮೊಲವೊಂದು
ಪಟಪಟನೆ ಉರುಳಾಡಿ
ಪ್ರಾಣ ಬಿಟ್ಟಿತು ಕಾರಣ ಇಷ್ಟೇ
ಪಡಬಾರದ ಕಷ್ಟ ಪಟ್ಟರೂ ಗರಿಕೆ ಸಿಗಲಿಲ್ಲ
ತನಗೂ ಪರಿವಾರಕ್ಕೂ ಹೊಟ್ಟೆಯ ಸಂಕಟ ತಡೆಯಲಾಗಲಿಲ್ಲ

ನೀರಿನಿಂದ
ಹೊರಬಂದ ಮೀನೊಂದು
ಚಟಪಟನೆ ಹೊರಳಾಡಿ
ಸತ್ತೇ ಹೋಯಿತು ಕಾರಣ ಇಷ್ಟೇ
ಹಳ್ಳ ಕೊಳ್ಳ ನದಿ ಸಾಗರ ಸುತ್ತಿದರು ನೀರಿಲ್ಲ
ಸಕಲ ಜಲಚರಕೂ ಜೀವಿಸಲು ಹನಿ ನೀರಿಲ್ಲದೆ ಬದುಕಲಾಗಲಿಲ್ಲ

ಕಾಡಿನಿಂದ
ಹೊರಬಂದ ಹುಲಿಯೊಂದು
ನಡೆಯದೇ ಅಲುಗಾಡಿ
ಉಸಿರು ಚೆಲ್ಲಿತು ಕಾರಣ ಇಷ್ಟೇ
ಭೂಮಿಯ ಸುತ್ತಿದರೂ ಕಾಡು ಮೇಡಗಳಿಲ್ಲ
ವನ್ಯಜೀವಿಗಳಿಗೆ ಮಾನವನ ಆಕ್ರಮಣ  ತಡೆಯಲಾಗಲಿಲ್ಲ