ನಲುಮೆಯಿಂದ ಆಡಿದ ಮಾತುಗಳೆಲ್ಲ ಸತ್ಯವೆಂದು ನಂಬಿಬಿಟ್ಟಿ
ತನುವ ತದಿಕಿ ತಲ್ಲಣಿಸಿ ತಾಪಪೆರಿಸಿಕೊಂಡು ಏಕಾದೆ ಪಾಗಲ್

ನಗುಮೊಗದ ಕಣ್ಣೋಟ ಪಿಸುಮಾತುಗಳೆಲ್ಲ ದಿಟವೆಂದುಬಿಟ್ಟೆ
ಮನದ ಮಾಮರವ ಹಸಿರಾಗಿಸಿಕೊಂಡು ಏಕಾದೆ ಪಾಗಲ್

ಮಂಪರಿನ ಸ್ಪರ್ಶ ಸುಖದ ಹರ್ಷ ಶಾಶ್ವತವೆಂದು ತಿಳಿದುಬಿಟ್ಟೆ
ಒಡಲಾಳ ತೆರೆದು ತೃಷೆಯೇರಿಸಿಕೊಂಡು ಏಕಾದೆ ಪಾಗಲ್

ಸುಳ್ಳು ಭರವಸೆಯ ಬಾನಿಗೆ ಕಟ್ಟಿದ ತೋರಣಕ್ಕೆ ಮರುಳಾಗಿಬಿಟ್ಟೆ
ತುಡಿತಗಳನಂತ ಮಿಡಿಸಿ ಹಸಿಯಾಗಿಸಿಕೊಂಡು ಏಕಾದೆ ಪಾಗಲ್

ಚಿತ್ತ ಕದಡಿ ಕೆಣಕಿದ ಮಾಯಗಾರನ ಮೋಸದ ಬಲೆಗೆ ಸಿಕ್ಕುಬಿಟ್ಟೆ
ಕಂಡ ಕನಸುಗಳ ಆಸೆ ಗಾಸಿಯಾಗಿಸಿಕೊಂಡು ಏಕಾದೆ ಪಾಗಲ್