ಕಾವ್ಯ ಸಂಗಾತಿ
‘ಆವೇಷ್ಟಿಕ’
ಜಹಾನ್ ಆರಾ ಕೋಳೂರ
ಮಧ್ಯ ರಾತ್ರಿಯ ಚಂದಿರ
ಮಧ್ಯ ರಾತ್ರಿಯ ತಂಗಾಳಿ
ಆಗಲೇ ಮೆಲ್ಲ ಅರಳಿ
ಸುವಾಸನೆ ಹರಡುವ ಗುಲಾಬಿ
ಎಲ್ಲ ನಿನ್ನ ಹಾಗೆ ಶಾಂತ
ನಿರ್ಮಲ ಮೃದು ಹಿತ
ಮಧ್ಯಾಹ್ನದ ಸುಡುವ ಸೂರ್ಯ
ಬೇಸಿಗೆಯ ಉರಿವ ಮರಳು
ಮೂಗಿನ ರಂದ್ರಗಳನ್ನು ಸೀಳಿ
ಮೆದುಳಿಗೆ ಹೊಕ್ಕುವ ಪರ್ಫ್ಯೂಮ್ ಗಾಟು
ಎಲ್ಲಾ ನನ್ನ ಹಾಗೆ ಕುಕ್ಕರಿ
ಕೋಪ ಆವೇಷ್ಟಿಕ ಬೆಂಕಿ
ಸೂರ್ಯ ಮುಳುಗಿ
ಚಂದ್ರ ಉದಯಿಸಿ
ತಂಪಾದ ಗಾಳಿ ಇಳಿ ಸಂಜೆ
ಗುಲಾಬಿ ಪರ್ಫ್ಯೂಮ್ನ ನಶೆ
ಎಲ್ಲಾ ಹಾಗೆ….
ನೀನು ವಿಸ್ಕಿ ಮರೆತು
ನನ್ನ ಕೆಂದುಟಿಗೆ ಶರಣಾದಂತೆ
ಮಂಜುಮ ರಮಣೀಯ
ಹೊಸ ಕಾವ್ಯದಂತೆ
ಜಹಾನ್ ಆರಾ ಕೋಳೂರ
About The Author
