ಕಾವ್ಯ ಸಂಗಾತಿ
ಗಜಲ್
ಯ.ಮಾ.ಯಾಕೊಳ್ಳಿ
ನಿನ್ನ ಸಲುವಾಗಿ ಕಾಯುತ್ತಲೇ ಇರುವಾಸೆ ಈ ಜನುಮವೆಲ್ಲ
ನಿನ್ನದೊಂದು ಆಣತಿಗಾಗಿ ಕಾಯುವಾಸೆ ಈ ಜನುಮವೆಲ್ಲ
ನೀನೊಂದು ಮುಗಿಯದ ಸಂಭ್ರಮ ಈ ಜನುಮಕೆ
ಪಡೆದ ಭಾಗ್ಯ ನನದು ಬಳಸುತ್ತಿರುವಾಸೆ ಈ ಜನುಮವೆಲ್ಲ
ಬಾನಂಗಳದಿ ಮಿನುಗುವ ನಕ್ಷತ್ರವೆ ಮಿಣುಕು
ನೋಡುತ್ತ ಹೂವಾಗಿದೆ ಪಡೆಯುವಾಸೆ ಈ ಜನುಮವೆಲ್ಲ
ಎಲ್ಲ ದೇವತೆಗಳ ಬಾಗಿಲು ಮುಚ್ಚಿದವು ನೀನು ಬಂದೊಡನೆ
ನಿನ್ನೊಲುಮೆ ವರವೇ ಸಾಕು ಕೂಡುವಾಸೆ ಈ ಜನುಮವೆಲ್ಲ
ಎಂತಹ ಹುಚ್ಚು “ಯಯಾ”ನದು, ಹುಚ್ಚರದೇ ಲೋಕವಿದು
ಕೇವಲ ನಿನ್ನನೇ ಹಚ್ಚಿಕೊಳುವಾಸೆ ಈ ಜನುಮವೆಲ್ಲ
About The Author
ಗಜಲ್ ಚೆನ್ನಾಗಿವೆ ಸರ್.