ನನ್ನಮ್ಮ - ಸಾರ್ಥಕ ಬದುಕಿಗೆ ಸಾಹಿತ್ಯ ಸಂಗಾತಿ

ಕವಿತೆ

ನನ್ನಮ್ಮ

ಶೃತಿ ಎಸ್.ಗೌಡ

Mothers Day 2019, When is Mothers day, Gift for Mother's day festival, Products for mother's day, How to Celebrate Mother's day, Significance of Mother's day

ನನ್ನಮ್ಮ ಸೀತೆಯಲ್ಲ ಸಾವಿತ್ರಿಯಲ್ಲ
ಕೈ ಹಿಡಿದ ಪತಿಯೊಡನೆ
ವನವಾಸಕ್ಕೂ ಹೋಗಲಿಲ್ಲ
ಅವನಿಗಾಗಿ ಯಮನನ್ನು ಅಡ್ಡಗಟ್ಟಲಿಲ್ಲ ಇದ್ದಲ್ಲಿಯೇ ವನವಾಸ ಮಾಡಿದವಳು ಕುಡಿದ ಮತ್ತಿನಲ್ಲಿ ನಡೆಯಲಾರದೆ ಎಡವಿ ಬಿದ್ದ ಅಪ್ಪನಿಗೆ ತನ್ನ ಹೆಗಲನ್ನು ಆಸರೆಯಾಗಿ ನೀಡಿದವಳು

ನನ್ನಮ್ಮ ಆಸರೆ ಬಯಸಲಿಲ್ಲ
ಸಂಸಾರದ ನೊಗ ಹೊತ್ತು
ನಮಗಾಸರೆಯಾದವಳು
ತಾನು ನಿಂತು ನಮ್ಮ ನಡೆಸಿ
ತಾನು ಹಸಿದು ನಮಗುಣಿಸಿ
ತನ್ನ ಕಣ್ಣುಗಳಲ್ಲಿ
ಅವಳ ಕನಸುಗಳ ಕಂಡವಳು
ಸಂಸಾರದ ಹಾದಿಯಲ್ಲಿ ನಿಲ್ಲದೆ ನಡೆದವಳು

ನನ್ನಮ್ಮ ಹೆಚ್ಚು ಕಲಿಯಲಿಲ್ಲ
ಗುಡಿಗಳ ಗುಂಡಾರವ ಸುತ್ತಲಿಲ್ಲ
ಸ್ವರ್ಗ ನರಕಗಳ ಕಲ್ಪನೆಯೂ ಅವಳಿಗಿಲ್ಲ ಇರುವಷ್ಟು ದಿನ
ಬಾಳ ಕುಲುಮೆಯಲಿ ಬೆಂದವಳು ಕುಡಿತಕ್ಕೆ ಶರಣಾಗಿ ಬದುಕನ್ನೇ ಬಲಿ ಕೊಟ್ಟ ಅಪ್ಪನ ಕಂಡು ಸತ್ತು ಬದುಕಿದವಳು
ದೇವರು ಕೊಟ್ಟ ಆಯಸ್ಸು
ಮುಗಿಯುವ ಮುನ್ನವೇ ಬದುಕು ಭಾರವೆಂದು
ನೊಂದವಳು

******************